ଶିବନାରାୟଣପୁର ସ୍କୁଲରେ ବାର୍ଷିକ କ୍ରୀଡା ଉତ୍ସଵ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଶିବନାରାୟଣପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି l ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀକାନ୍ତ ବିଶ୍ଵାଳଙ୍କ ସଭାପତିତ୍ବରେ ଅନୁଷ୍ଠିତ ଉଦ୍ଘାଟନୀ ଉତ୍ସବରେ ମୂଖ୍ୟ ଅତିଥି ଭାବେ ବଞ୍ଚୋ ପଞ୍ଚାୟତର ସରପଞ୍ଚ ପ୍ରଶାନ୍ତ ରାଉତ ଯୋଗଦେଇ ମଶାଲ ଜଳାଇ ପତାକା ଦେଖାଇ ଉଦ୍ଘାଟନ କରିଥିଲେ l ଉକ୍ତ କ୍ରୀଡା ପ୍ରତିଯୋଗିତାକୁ ବରିଷ୍ଠ, କନିଷ୍ଠ ଓ ସର୍ବକନିଷ୍ଠ ୩ ଗୋଟି ଦଳରେ ଭାଗ କରାଯାଇ ଦୌଡ଼, ଲମ୍ବ ଡିଆଁ, ଉଚ୍ଚ ଡିଆଁ, ଡ଼ିସକସ, ଯାଭେଲିନ ଥ୍ରୋ, ପୂଚି, ଝୋଟିଚିତା, ମ୍ୟୁଜିକ ଚେୟାର, ଗଣିତରେସ, ଦଉଡ଼ି ରେସ, ଦଉଡ଼ି ଡିଆଁ, ଜିଲାପି ରେସ,ବଲ୍ ଫିଙ୍ଗା ଓ ହାଣ୍ଡି ପିଟା ଆଦି ଖେଳ କରାଯାଉଛି l ମୋଟ ୨୦୦ ଜଣ ଛାତ୍ର ଛାତ୍ରୀ ପ୍ରତିଯୋଗିତାରେ ଭାଗନେଇଥିବା ବେଳେ ଖେଳ ଶିକ୍ଷକ ଆଶିଷ କୁମାର ଜେନା ଖେଳ ପରିଚାଳନା କରୁଛନ୍ତି । ଏସ, ଏମ, ସି ର ଅଧକ୍ଷ ପ୍ରଭାକର ଖଣ୍ଡା ଓ ଅନ୍ୟ ସଭ୍ୟ / ସଭ୍ୟା ପ୍ରମୁଖ ଉପସ୍ଥିତ ରହି ପ୍ରତିଯୋଗୀ ମାନଙ୍କୁ ଉତ୍ସାହିତ କରୁଥିବା ବେଳେ ବିଦ୍ୟାଳୟର ଶିକ୍ଷକ ପ୍ରଫୁଲ୍ଲ କୁମାର ମଣ୍ଡଳ, ଅଶୋକ କୁମାର ସେଠୀ, ଦେବଜାନୀ ମଲ୍ଲିକ, ପଦ୍ମାବତୀ ସାହୁ, ତନୟା ପଟ୍ଟନାୟକ ଖେଳ ପରିଚାଳନାରେ ସହଯୋଗ କରୁଛନ୍ତି l