ଶୀତଦିନେ ଉପକାରୀ କମଳା
ଶୀତଦିନେ ପ୍ରଚୁର ପରିମାଣରେ କମଳା କମଳା ଅମଳ ହୋଇ ବଜାରକୁ ଆସିଥାଏ। ଆୟୁର୍ବେଦରେ କୁହାଯାଇଛି ଋତୁ ଅନୁଯାୟୀ ଫଳମୂଳ ଖାଇବା ଦ୍ବାରା ସ୍ବାସ୍ଥ୍ୟ ଭଲ ରହିଥାଏ। ତେଣୁ ଏହି ଋତୁରେ ଯକାରଣ ଏଥିରେ ପର୍ଯ୍ୟାପ୍ତ ପରିମାଣର ଭିଟାମିନ-ସି ରହିଥାଏ। ଏହା ଖାଇବା ପାଇଁ ଯେତିକି ସ୍ବାଦିଷ୍ଟ ସ୍ବାସ୍ଥ୍ୟ ଲାଗି ସେତିକି ହିତକାରକ। ଏହାକୁ ଖାଇବା ଦ୍ୱାରା କର୍କଟଠାରୁ ମଧୁମେୟ ପର୍ଯ୍ୟନ୍ତ ବିଭିନ୍ନ ରୋଗଜନିତ ସମସ୍ୟା ଦୂର ହୋଇଥାଏ। ଆସନ୍ତୁ ଜାଣିବା ଏହାର ଅନ୍ୟ ଉପକାରୀ ଗୁଣ ବିଷୟରେ।
*କମଳାରେ ପ୍ରଚୁର ଫାଇବର ରହିଥାଏ। ଏହାକୁ ଖାଇବା ଦ୍ୱାରା କୋଲେଷ୍ଟରଲ ସ୍ତର ଠିକ୍ ରହିଥାଏ। ଫଳରେ ହୃଦୟଜନିତ ସମସ୍ୟା ଦୂର ହୋଇଥାଏ।
* ଯେଉଁମାନଙ୍କର ଉଚ୍ଚ ରକ୍ତଚାପ ସମସ୍ୟା ରହିଛି ସେମାନେ ନିୟମିତ ଭାବେ କମଳା ଖାଇବା ଉଚିତ। କାରଣ ଏଥିରେ ପୋଟାସିୟମ୍ ଓ ମାଗ୍ନେସିୟମ୍ ରହିଥାଏ, ଯାହା ରକ୍ତଚାପକୁ ନିୟନ୍ତ୍ରଣରେ ରଖିଥାଏ।
*କମଳାରେ ଭିଟାମିନ-ସି ରହିଛି, ଯାହା ଏକ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଭାବେ କାର୍ଯ୍ୟ କରିଥାଏ। ଏହାକୁ ନିୟମିତ ଖାଇବା ଦ୍ୱାରା କର୍କଟ ଭଳି ମାରାତ୍ମକ ରୋଗରୁ ମଧ୍ୟ ରକ୍ଷା ମିଳିଥାଏ।
*ଏହାକୁ ଖାଇବା ଦ୍ୱାରା ଗ୍ୟାସ୍ଟିକ, ଏସିଡି ଭଳି ସମସ୍ୟାରୁ ମୁକ୍ତି ମିଳିବା ସହ ଖାଦ୍ୟ ଭଲ ହଜମ ହୋଇଥାଏ।
*କମଳା ଶରୀରରେ ରୋଗ ପ୍ରତିରୋଧକ କ୍ଷମତା ବଢ଼ାଇବା ସହ ଇମ୍ୟୁନି ସିଷ୍ଟମ୍କୁ ବୃଦ୍ଧି କରିଥାଏ। ଏହାକୁ ଖାଇବା ଦ୍ୱାରା ଥଣ୍ଡା, କାଶ ଓ ଭାଇରାଲ ସଂକ୍ରମଣରୁ ଉପଶମ ମିଳିଥାଏ।
* କମଳା ଜୁସ ପିଇବା ଦ୍ୱାରା ଶାରୀରିକ, ମାନସିକ ଅବସାଦ ଦୂର ହେବା ସହ ଫୂର୍ତ୍ତି ଅନୁଭବ ହୋଇଥାଏ।
* କମଳା କେବଳ ସ୍ବାସ୍ଥ୍ୟ ପାଇଁ ନୁହେଁ ବରଂ ମୁହଁ ଲାଗି ମଧ୍ୟ ଲାଭଦାୟକ। ଏହା ସୌନ୍ଦର୍ଯ୍ୟ ବୃଦ୍ଧି କରିବା ସହ ମୁହଁରେ ଉଜ୍ଜ୍ୱଳତା ଆଣିଥାଏ। ଏଥିରେ ଥିବା ଆଣ୍ଟିଅକ୍ସିଣ୍ଡାଣ୍ଟ ମୁହଁର ସମସ୍ତ ଦାଗକୁ ଦୂର କରିବା ସହ ଉଜ୍ଜ୍ୱଳ କରିଥାଏ।
*ଏହାକୁ ଖାଇବା ସହ ଏହାର ଚୋପାକୁ ଶୁଖାଇ ଗୁଣ୍ଡରେ ଏକ ମିଶ୍ରଣ ତିଆରି କରି ମୁହଁରେ ଲଗାଇପାରିବେ।
Oranges Raw fruit and vegetable backgrounds overhead perspective, part of a set collection of healthy organic fresh produce
