ଶୈବପୀଠରେ ଓଁ ନମଃ ଶିବାୟ ଧ୍ୱନୀ ପ୍ରକମ୍ପିତ

ଛତ୍ରପୁର,(ଯୁଗାବ୍ଦ ନ୍ୟୁଜ୍‌): ଆଜି ପବିତ୍ର ମହାଶିବରାତ୍ରୀ ଉପଲକ୍ଷେ ଛତ୍ରପୁର ଅଞ୍ଚଳର ବିଭିନ୍ନ ଶୈବପୀଠ ଗୁଡିକରେ ଭକ୍ତଙ୍କ ଭିଡ ଦେଖାଦେବା ସହ ଓଁ ନମଃ ଶିବାୟ ଧ୍ୱନୀରେ କମ୍ପି ଉଠିଥିଲା ପୀଠ ସ୍ଥାନ ଗୁଡିକ । ଭକ୍ତମାନେ ଉପବାସ ରହି ଦ୍ୱୀପ ଜଳାଇ ନିଜ ପରିବାର ବର୍ଗଙ୍କ ମଙ୍ଗଳ କାମନା କରିଥିଲେ । ସ୍ଥାନୀୟ ସହର ଆଗ୍ରାହରମ ସାହି ସ୍ଥିତ ଗୌରୀଶଙ୍କର ମନ୍ଦିର, ତାଡେପଲ୍ଲୀ ସ୍ଥିତ କାଶୀବିଶ୍ୱନାଥ,ବିରେଶ୍ୱର ମନ୍ଦିର, ବିଶ୍ୱେଶ୍ୱର, ନୀଳକଣ୍ଠେଶ୍ୱର, ଚନ୍ଦ୍ରଶେଖର, ହିରଣେଶ୍ୱର, ପୁରୁଣାପାଟଣା ଗ୍ରାମ ନିକଟ ଧବଳେଶ୍ୱର, କୁମାରବେଗପଲ୍ଲୀ ଗ୍ରାମର ଧବଳେଶ୍ୱର, ପାଲିଆ ଛତ୍ରପୁର ଗ୍ରାମର ଶୈବପୀଠ, ପୁରୁଣା ଛତ୍ରପୁର ଗ୍ରାମର ଶୈବପୀଠ, ସୁନ୍ଦରପୁର ଗ୍ରାମର ସୁନ୍ଦୁରେଶ୍ୱର, ଭିକାରିପଲ୍ଲୀ ଗ୍ରାମର ହରିହରଶ୍ୱର, ଚମାଖଣ୍ଡି ମଲ୍ଲିକେଶ୍ୱର, ନରେନ୍ଦ୍ରପୁର ଗ୍ରାମର ଗଙ୍ଗେଶ୍ୱର, ଜଗନ୍ନାଥପୁର ଗ୍ରାମର ଜଜ୍ଞତେଶ୍ୱର, କେ.ସି.ନଗରଡିହର ପଶ୍ଚିମେଶ୍ୱର, ଗୋପାଳପୁର ବନ୍ଦର ପରିସରର ଶୈବପୀଠ ସମେତ ଛତ୍ରପୁର ବ୍ଲକର ବିଭିନ୍ନ ଶୈବପୀଠ ଗୁଡିକରେ ଭକ୍ତଙ୍କ ସମାବେଶ ରହିଥିଲା । ଏହି ଅବସରରେ ଆଗ୍ରାହରମ ସାହି ଗୌରୀଶଙ୍କର ମନ୍ଦିର ପ୍ରାଙ୍ଗଣରେ ଗାହାଣୀ, ନୀଳକଣ୍ଠେଶ୍ୱର ମନ୍ଦିର ପ୍ରାଙ୍ଗଣରେ ଅଷ୍ଟପ୍ରହରୀ ସହ ହରିହାଟ ସନ୍ଧ୍ୟା , ପୁତି ଗୋପାଳପୁର ସ୍ଥିତ ବିଶ୍ୱେଶ୍ୱର ମନ୍ଦିରରେ ଅଷ୍ଟ ପ୍ରହରୀ ଏବଂ ସୁନ୍ଦରପୁର ଠାରେ ଅପେରା ଅନୁଷ୍ଠିତ ହୋଇଥିଲା ।