ଶ୍ରୀଅରବିନ୍ଦ ଶିକ୍ଷା ନିକେତନ ରେ ଶ୍ରୀମା ଜୟନ୍ତୀ ପାଳିତ
ବେଲଗୁଣ୍ଠା,(ଯୁଗାବ୍ଦ ନ୍ୟୁଜ୍): ବେଲଗୁଣ୍ଠା ବ୍ଲକ ଅନ୍ତର୍ଗତ ଗୋବରା ଶ୍ରୀଅରବିନ୍ଦ ଶିକ୍ଷା ନିକେତନ ରେ ଶ୍ରୀମାଙ୍କ ଜୟନ୍ତୀ ଉତ୍ସବ ପାଳିତ ହୋଇଯାଇଛି । ପ୍ରଧାନ ଶିକ୍ଷକ ଅନାମ ଚରଣ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଛାତ୍ର ଛାତ୍ରୀଙ୍କ ଦ୍ୱାରା ଦୁର୍ଗା ଶ୍ଳୋକ,ବନ୍ଦେ ମାତରଂ,ମା ବହି ପ୍ରଭୁତି ପାଠ କରିବା ସହ ଶ୍ରୀମା ଓ ଶ୍ରୀଅରବିନ୍ଦଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରା ଯାଇଥିଲା । ଶ୍ରୀଅରବିନ୍ଦଙ୍କ ଦ୍ୱାରା ଲିଖିତ ସାବିତ୍ରୀ ଗ୍ରନ୍ଥ ଉପରେ ମମତା ଅପା ଆଲୋଚନା କରିଥିଲେ । ପୃଥିବୀ ପୃଷ୍ଠରେ ଅତି ମାନସ ଶକ୍ତିର ଅବତରଣରେ ଶ୍ରୀମା ଓ ଶ୍ରୀଅରବିନ୍ଦଙ୍କ ଭୂମିକା ଉପରେ ରାମ ଭାଇ ଆଲୋକପାତ କରିଥିଲେ । ସମ୍ମାନିତ ଅତିଥି ରୂପେ ଶିକ୍ଷାବିତ ଚନ୍ଦ୍ରଶେଖର ପଣ୍ଡା ,ରାମକୃଷ୍ଣ ପାତ୍ର ଯୋଗ ଦେଇ ଆଲୋଚନାରେ ଭାଗ ନେଇଥିଲେ । ଛାତ୍ର ଛାତ୍ରୀ ମାନେ ଶ୍ରୀମା ଙ୍କ ଜୀବନ ଦର୍ଶନ ଆଲୋଚନାରେ ଅଂଶ ଗ୍ରହଣ କରିଥିଲେ । ଟିକି,ସାଗରିକା,ଜୋଷ୍ଣା, ବ୍ରଜେଶ୍ୱରୀ ଓ ସ୍ମିତା ଅପା କାର୍ୟ୍ୟକ୍ରମ ରେ ସହଯୋଗ କରିଥିଲେ ।
