ଶ୍ରୀରାମ କଲେଜରେ ରେଡ୍କ୍ରସ କ୍ୟାମ୍ପ ଉଦ୍ଯାପିତ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) : ଗଜପତି ଜିଲ୍ଲା କାଶୀନଗର ସହରର ଶ୍ରୀରାମ କଲେଜରେ ଗତ ତିନି ଦିନ ଧରି ଚାଲିଥିବା ରେଡ୍କ୍ରସ କ୍ୟାମ୍ପ ଉଦ୍ଯାପିତ ହୋଇଯାଇଛି । କଲେଜର ଅଧ୍ୟକ୍ଷ ନବକୃଷ୍ଣ ସାହୁକାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ପ୍ରଧ୍ୟାପକ ସୁରେନ୍ଦ୍ରନାଥ ରଥ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ କାଶୀନଗର ଥାନା ଅଧିକାରୀ ସୁଶାନ୍ତ କୁମାର ସାହୁ ଯୋଗ ଦେଇ ସଡକ ସୁରକ୍ଷା ଉପରେ ଆଲୋଚନା କରିଥିବା ବେଳେ ସ୍ଥାନୀୟ ଅଗ୍ନିଶମ ବିଭାଗର ଅଧିକାରୀ ବିପର୍ଯ୍ୟୟ ପରିଚାଳନା ଉପରେ ଆଲୋଚନା କରିଥିଲେ । ଏହି ବିପର୍ଯ୍ୟୟ ପରିଚାଳନା ସମୟରେ କଣ କରିବା ସେନେଇ ମକ୍ଡ୍ରିଲ ତଥା ଡେମୋ ପରିବେଷଣ କରିଥିଲେ । ଉଦ୍ଯାପନୀ ସଭା କାର୍ଯ୍ୟକ୍ରମ ଶେଷରେ ବିଭିନ୍ନ ପ୍ରତିଯୋଗିତାରେ କୃତୀତ୍ୱ ହାସଲ କରିଥିବା ଛାତ୍ରଛାତ୍ରୀଙ୍କୁ ପ୍ରମାଣପତ୍ର ଦେଇ ସମ୍ମାନିତ କରାଯାଇଥିଲା । ଏହି ସଭା କାର୍ଯ୍ୟକ୍ରମକୁ ପୁରୁଷ କାଉନସିଲର କୌଳାସ ଚନ୍ଦ୍ର ପ୍ରଧାନ ଏବଂ ମହିଳା କାଉନସିଲର ସସ୍ମିତା ଦାସ ପରିଚାଳନା କରିଥିଲେ ।
