ଶ୍ରୀ ରାମେଶ୍ୱର ବରିଷ୍ଠ ନାଗରିକ ସଙ୍ଘର ଅଷ୍ଟମ ପ୍ରତିଷ୍ଠା ଦିବସ
ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ସ୍ଥାନୀୟ ଜୟଦେବ ବିହାର ଡେ କେୟାର ସେଣ୍ଟରରେ ଶ୍ରୀରାମେଶ୍ୱର ବରିଷ୍ଠ ନାଗରିକ ସଙ୍ଘର ଅଷ୍ଟମ ପ୍ରତିଷ୍ଠା ଦିବସ ଅନୁଷ୍ଠିତ ହୋଇଯାଇଛି.ପ୍ରାରମ୍ଭରେ ରାଜ୍ୟ ସଂଗୀତ ଗାନ କରାଯିବା ସହିତ ଉକ୍ତ କାର୍ଯ୍ୟକ୍ରମରେ ସଙ୍ଘର ସଭାପତି ବିଷ୍ଣୁ ମୋହନ ମହାନ୍ତିଙ୍କ ଅଧ୍ୟକ୍ଷତା ଓ ରଶ୍ମିବାଳା ସ୍ୱାଇଁଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ, ସମ୍ମାନିତ ଅତିଥିଭାବେ ଭୁବନେଶ୍ୱର ମହାନଗର ନିଗମ ମେୟର ଶ୍ରୀମତୀ ସୁଲୋଚନା ଦାସ, ମୁଖ୍ୟବକ୍ତା ଭାବେ ପ୍ରଫେସର ଡ଼ ପ୍ରତିଭା ମହାରଥୀ, ଅନ୍ୟତମ ସମ୍ମାନିତ ଅତିଥି ଭାବେ ସ୍ଥାନୀୟ କର୍ପୋରେଟର ଶୁଭ୍ରାଂଶୁ ଶେଖର ପଟନାୟକ ଉପସ୍ଥିତ ରହିବା ସହ ବରିଷ୍ଠମାନେ ସମାଜର ଆଦର୍ଶ ଓ ପ୍ରେରଣାର ଉତ୍ସ ବୋଲି ମତବ୍ୟକ୍ତ କରିଥିଲେ. ମୁଖ୍ୟବକ୍ତା ଡକ୍ଟର ମହାରଥୀ ମତବ୍ୟକ୍ତ କରିଥିଲେ ଯେ ବରିଷ୍ଠମାନଙ୍କୁ ସହଯୋଗ ଓ ସମ୍ମାନ ପ୍ରଦାନ କରିବା ସହିତ ତାଙ୍କ ଅଭିଜ୍ଞତା ଆଗାମୀ ପୀଢ଼ିର ମାର୍ଗ ଦର୍ଶନ ହେଉ. ସଭାପତି ଶ୍ରୀଯୁକ୍ତ ମହାନ୍ତି ସଙ୍ଘର ବିଭିନ୍ନ କାର୍ଯ୍ୟକ୍ରମ ସହିତ ସଙ୍ଘର ବିଭିନ୍ନ ସମସ୍ୟା ସମ୍ପର୍କରେ ଅତିଥି ମାନଙ୍କ ଦୃଷ୍ଟି ଆକର୍ଷଣ କରିଥିଲେ. ସମ୍ପାଦକ ହରିହର ବରାଳ ସମ୍ପାଦକୀୟ ବିବରଣୀ ପାଠ କରିଥିବା ବେଳେ ଉପ ସଭାପତି ଶାନ୍ତି ବେହେରା ଧନ୍ୟବାଦ ଅର୍ପଣ କରିଥିଲେ. ଏହି ଅବସରରେ ବରିଷ୍ଠ ନାଗରିକ ନିମାଇଁ ଚରଣ ଦାସ ଓ ହୃଷିକେଶ ବିଶ୍ୱାଳଙ୍କୁ ଉତ୍ତରୀୟ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧନା ଦିଆଯାଇଥିଲା.କାର୍ଯ୍ୟକ୍ରମକୁ କେଦାରନାଥ ପଟନାୟକ, ସାହିତ୍ୟିକା ସରୋଜିନୀ ମିଶ୍ର, ଗିରିଶ ଶତପଥି ପ୍ରମୁଖ ପରିଚାଳନା କରିଥିଲେ.
