ଶ୍ୟାମ ବାବାଙ୍କ ୨୨ ତମ ବାର୍ଷିକ ପ୍ରାଣ ପ୍ରତିଷ୍ଠା ଉତ୍ସବ ଆରମ୍ଭ
କରଞ୍ଜିଆ,(ଜିତେନ୍ଦ୍ର ରାଜ):କରଞ୍ଜିଆ ସହରରେ ଥିବା ଶ୍ରୀଶ୍ରୀ ଶ୍ୟାମ ମନ୍ଦିରର ଶ୍ରୀ ଶ୍ୟାମ ବାବାଙ୍କ ୨୨ ତମ ବାର୍ଷିକ ପ୍ରାଣ ପ୍ରତିଷ୍ଠା ଉତ୍ସବ ଆଜିଠାରୁ ଆରମ୍ଭ ହୋଇଯାଇଛି ଏଥି ଲାଗି କରଞ୍ଜିଆ ଶ୍ରୀ ଶ୍ୟାମ ଉତ୍ସବ କମିଟି ପକ୍ଷରୁ ବ୍ୟାପକ କାର୍ଯ୍ୟକ୍ରମ ଆୟୋଜନ ହୋଇଛି । ଶ୍ରୀ ଶ୍ୟାମ ଉତ୍ସବ କମିଟି ପକ୍ଷରୁ ଶନିବାର ଦିବା ୧୨ ଘଟିକା ସମୟରେ ସ୍ଥାନୀୟ ଅମ୍ବିକା ମନ୍ଦିର ନିକଟରୁ ଏକ ବିରାଟ ନିଶାନ ଯାତ୍ରା କରଞ୍ଜିଆ ସହର ପରିକ୍ରମା ପରେ ଶ୍ରୀ ଶ୍ୟାମ ମନ୍ଦିରରେ ପହଂଚି ଥିଲା ଏହି ନିଶାନ ଯାତ୍ରାରେ ଶହ ଶହ ସଂଖ୍ୟାରେ ଉଭୟ ପୁରୁଷ ଓ ମହିଳା ଶ୍ରଦ୍ଧାଳୁ ମାନେ ଅଂଶ ଗ୍ରହଣ କରିଥିଲେ, ମାରାୱାଡି ସମାଜର କେନ୍ଦୁଝର, ରାଇରଙ୍ଗପୁର, ରାଞ୍ଚି, ଜାମସେଦପୁର, କଲିକତା ଅଞ୍ଚଳ ସମେତ ଅଞ୍ଚଳର ସହ ସହ ସଂଖ୍ୟାରେ ପୁରୁଷ, ମହିଳା, ଯୁବକ ଓ ଯୁବତୀ ମାନେ ଶ୍ରଦ୍ଧା ଓ ଭକ୍ତିର ସହିତ ନିଶାନ ଯାତ୍ରାରେ ସାମିଲ ହୋଇଥିଲେ, ନିଶାନ ଯାତ୍ରାର ମୁଖ୍ୟ ଆକର୍ଷଣ ଥିଲା କାନ୍ତାରା ନୃତ୍ୟ ଓ ପ୍ରସିଦ୍ଧ ରାଧାକୃଷ୍ଣଙ୍କ ନୃତ୍ୟ, ଗୋପାଳ ଅଗ୍ରୱାଲଙ୍କ ନେତୃତ୍ବରେ ନିରଞ୍ଜନ ଅଗ୍ରୱାଲ, ଦୀପେଶ ଅଗ୍ରୱାଲ, ପବନ ଅଗ୍ରୱାଲ, ଲୋପୁ ଭାରୁକାଙ୍କ ସମେତ ମାରୁୱାର୍ଡି ଯୁବା ମଞ୍ଚ ଓ ଶକ୍ତି ଶାଖାର କର୍ମକର୍ତ୍ତା ମାନେ କାର୍ଯ୍ୟକ୍ରମ ପରିଚାଳନାରେ ସମ୍ପୂର୍ଣ ସହଯୋଗ କରିଥିଲେ । ଦୁଇଦିନ ଧରୀ ପ୍ରସାଦ ବଣ୍ଟନ, ଭଜନ ସନ୍ଧ୍ୟା, ଆଧ୍ୟାତ୍ମିକ ପ୍ରବଚନ ଅନୁଷ୍ଠିତ ହେବ ବୋଲି କମିଟି ପକ୍ଷରୁ ସୂଚନା ଦିଆଯାଇଛି ।
