ଷ୍ଟେଟ ବ୍ୟାଙ୍କ ହିଞ୍ଜିଳିକାଟୁ ଶାଖାରେ ନାଗସାପ
ହିଞ୍ଜିଳିକାଟୁ ( ଶେଷଦେବ ସାହୁ): ଭାରତୀୟ ଷ୍ଟେଟ ବ୍ୟାଙ୍କ ହିଂଜିଳିକାଟୁ ଶାଖାରେ ବୁଧବାର ସନ୍ଧ୍ୟାରେ ଏକ ନାଗସାପ ରହିଥିବା ଦେଖିବାକୁ ମିଳିଥିଲା । କରୋନା ଭାଇରସ ଯୋଗୁଁ ବ୍ୟାଙ୍କ ବିଶେଷ ଗହଳି ନଥିବା ବେଳେ ନାଗସାପଟି କିପରି ବ୍ୟାଙ୍କ ମଧ୍ୟରେ ପଶିଥିଲା କର୍ମଚାରୀ ମାନେ ଜାଣି ପାରିନଥିଲେ । ଅପରାହ୍ନରେ ବ୍ୟାଙ୍କ ରେକର୍ଡ଼ ରୁମ ମଧ୍ୟରେ ନାଗସାପ ଥିବା ଜଣେ କର୍ମଚାରୀ ଦେଖି ଶାଖା ପରିଚାଳକଙ୍କୁ ଜଣାଇଥିଲେ । ଶାଖା ପରିଚାଳକ ସତ୍ୟାଶିଷ ପଟ୍ଟନାୟକ ସାପଟିକୁ ବାହାର କରିବାକୁ ଉଦ୍ୟମ କରିଥିଲେ ମଧ୍ୟ ବିଫଳ ହୋଇଥିଲେ । ପରେ ହିଂଜିଳି ଥାନାକୁ ଖବର ଦେଇଥିଲେ । ହିଂଜିଳି ଥାନା ଆଇଆଇସି ଅଭିମନ୍ୟୁ ଦାସ ସ୍ନେକ ହେଲ୍ପଲାଇନକୁ କବର ଦେଇଥିଲେ । ସ୍ନେକ ହେଲ୍ପଲାଇନର ଜଣେ ସଦସ୍ୟ ବ୍ୟାଭ୍କରେ ପଂହଚି ସାପଟିକୁ ଧରି ନେଇ ସହରର ଉପଖଣ୍ଠ ନିର୍ଜନ ସ୍ଥାନରେ ଛାଡ଼ି ଦେଇଥିବା ଜଣାପଡ଼ିଛି ।
