ସଂଶୋଧିତ ନୂଆ ଭୋଟର ତାଲିକା ଉନ୍ମୋଚନ ଉତ୍ସବ

ଚିକିଟୀ,(ପୁଷ୍ପାଞ୍ଜଳି ମିଶ୍ର):ନିର୍ବାଚନ କମିଶନର ଓଡିଶାଙ୍କ ନିର୍ଦ୍ଦେଶକ୍ରମେ ବ୍ରହ୍ମପୁର ଉପଜିଲ୍ଲାପାଳଙ୍କ ପ୍ରତ୍ୟକ୍ଷ ତତ୍ୱାବଧାନରେ ପ୍ରସ୍ତୁତ ସଂଶୋଧିତ ନୂଆ ଭୋଟର ତାଲିକା ୨୦୨୫କୁ ଆଜି ସମସ୍ତ ବି ଏଲ ଓ ନିଜ ନିଜ ବୁଥ ସ୍ତରରେ ଲୋକଙ୍କ ଗହଣରେ ଉନ୍ମୋଚନ କରିଛନ୍ତି । ସେହିପରି ଚିକିଟୀ ଏନ ଏ ସି ଅନ୍ତର୍ଗତ ବୁଥ ନଂ ୭୦,୭୧,୭୨ ଏବଂ ୭୩ ଠାରେ ଏ ଇ ଆର ଓ ଚିକିଟୀ ନାରାୟଣ ସୋରେନ, ଏନ ଏ ସି ସୁପରଭାଇଜର ରଞ୍ଜନ କୁମାର ବ୍ରହ୍ମା, ଗୋଷ୍ଠୀ ଶିକ୍ଷାଅଧିକାରୀ ବସନ୍ତ କୁମାର ପଣ୍ଡା, ବି ଆର ସି ସି ନିଗମାନନ୍ଦ ପଣ୍ଡା, ଅତିରିକ୍ତ ଶିକ୍ଷାଅଧିକାରୀ ସିମାଞ୍ଚଳ ପଣ୍ଡା, ତ୍ରିନାଥ ମଳିକ ଉପସ୍ଥିତ ରହି ଜନସାଧାରଣଙ୍କ ଉଦ୍ଦେଶ୍ୟରେ ଏହାର ଶୁଭ ଲୋକାର୍ପଣ କରିଛନ୍ତି । ଏଥିରେ ସି ଆର ସି ସି ମିନତି କୁମାରୀ ପାଠୀ, ଧର୍ମରାଜ ବେହେରା, ସୁଜିତ କୁମାର ପାଢୀ, ଆମର କୁମାର ସାହୁଙ୍କ ସମେତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ, ସ୍ଥାନୀୟ ଜନସାଧାରଣ ଯୋଡିହୋଇ ରହିଥିବା ଉତ୍ସବ ମୁଖରିତ ପରିବେଶ ଦେଖିବାକୁ ମିଳିଛି । ଚିକିଟୀ ଏନ ଏ ସି ର ଦଶଟିଯାକ ବୁଥରେ ସୁପରଭାଇଜର ରଞ୍ଜନ କୁମାର ବ୍ରହ୍ମାଙ୍କ ପ୍ରତ୍ୟକ୍ଷ ତତ୍ୱାବଧାନରେ ସମସ୍ତ ବି ଏଲ ଓ ଅବିକଳ କାର୍ଯ୍ୟକ୍ରମ କରି ନୂତନ ଭୋଟର ତାଲିକା ଲୋକଙ୍କ ଗହଣରେ ଲୋକଙ୍କ ପାଇଁ ଲୋକର୍ପଣ କରାଇଛନ୍ତି । ନିର୍ବାଚନ କମିଶନର ଓଡ଼ିଶାଙ୍କ ଉକ୍ତ କାର୍ଯ୍ୟକ୍ରମକୁ ଅଞ୍ଚଳବାସୀ ଏବଂ ନଗରିକଗଣ ବେଶ୍ ପ୍ରସଂଶା କରିଛନ୍ତି ।