ସଂସ୍କୃତ ଭାଷା ଭାରତ ବର୍ଷର ଆତ୍ମା
ନିମାପଡ଼ା,(ସନ୍ତୋଷ କୁମାର ଦାଶ ):ପୁରୀ ଜିଲ୍ଲା ଚାରିଛକ ସ୍ଥିତ ନିଗମାନନ୍ଦ ମହିଳା ମହାବିଦ୍ୟାଳୟ ପରିସରରେ ସଂସ୍କୃତ ବିଭାଗ ଆନୁକୂଲ୍ୟରେ ” ସଂସ୍କୃତ ସପ୍ତାହ ପାଳନ ସମାରୋହ ” ଆୟୋଜିତ ହୋଇଯାଇଛି । ମହାବିଦ୍ୟାଳୟ ର ଅଧ୍ୟକ୍ଷା ପ୍ରଫେସର ମିତ୍ରା ମହାପାତ୍ର କାର୍ଯ୍ୟକ୍ରମରେ ଅଧ୍ୟକ୍ଷତା କରି ସଂସ୍କୃତ ଭାଷା ଭାରତର ଆତ୍ମା ବୋଲି କହିଥିଲେ।ସଂସ୍କୃତ ଭାଷା ମଧ୍ୟରେ ଆମ ସଂସ୍କୃତି ନିହିତ ଅଛି । ଏହା ସୁର ଭାଷା, ଦେବ ବାଣୀ ଅଟେ । ସଂସ୍କୃତ ଭାଷାର ପ୍ରଚାର ପ୍ରସାର ହେଲେ ସମାଜରେ ପରିବର୍ତ୍ତନ ଆସିବ । ଆମର ଦୃଷ୍ଟି ବଦଳିଲେ ସୃଷ୍ଟି ବଦଳିଯିବ ବୋଲି ମତ ବ୍ୟକ୍ତ କରିଥିଲେ ।ବିଭାଗୀୟ ମୁଖ୍ୟା ଡକ୍ଟର ପୁର୍ଣିମା ମହାନ୍ତି ଦିବସ ପାଳନର ତାତ୍ପର୍ଯ୍ୟ ଉପରେ ଆଲୋକପାତ କରିଥିଲେ । ଏଥିରେ ମହାବିଦ୍ୟାଳୟ ର ପ୍ରଶାସନିକ ଅଧିକାରୀ ପ୍ରାଧ୍ୟାପକ ଡକ୍ଟର ଅଶୋକ ବିଶ୍ୱାଳ, ଇଂରାଜୀ ବିଭାଗ ମୁଖ୍ୟ କାନନବାଳା ନନ୍ଦ, ଇଂରାଜୀ ଅଧ୍ୟାପିକା ଇତିଶ୍ରୀ ସାହୁ, ଅଧ୍ୟାପିକା ସଂଗୀତା ଦାଶ, ଓଡିଆ ଅଧ୍ୟାପିକା କଲ୍ୟାଣୀ ସ୍ୱାଇଁ, ଅଧ୍ୟାପିକା ଅନିତା ବିଶ୍ୱାଳ, ପୂଜା ବେହେରା ପ୍ରଭୁତି ଯୋଗଦେଇଥିଲେ । ପରିଶେଷରେ ସଂସ୍କୃତ ଅଧ୍ୟାପକ ଶ୍ରୀମାନ ଜୀବନ ଦାଶ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ମହାବିଦ୍ୟାଳୟ ଛାତ୍ରୀ ମାନଙ୍କ ମଧ୍ୟରେ ଶ୍ଳୋକ ଆବୃତ୍ତି, ତର୍କ, ଅନୁବାଦ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା ।
