ସଙ୍ଗତି ସଙ୍ଗଠନର “ବୃକ୍ଷ ହିଁ ଜୀବନ” କାର୍ଯ୍ୟକ୍ରମ

ବ୍ରହ୍ମପୁର , (ଯୁଗାବ୍ଦ ନ୍ୟୁଜ) : ସଙ୍ଗତି ସଙ୍ଗଠନ ପକ୍ଷରୁ “ବୃକ୍ଷ ହିଁ ଜୀବନ” ଆଲୋଚନା ଚକ୍ର ସଙ୍ଗଠନର ସଭାପତି ଗୋପାଳ କୃଷ୍ଣ ଡାକୁଆଙ୍କ ଅଧ୍ୟକ୍ଷତାରେ ଗଞ୍ଜାମ ପରିଷଦର ସଭାଗୃହଠାରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯକ୍ରମକୁ ବରିଷ୍ଠ ସ୍ତମ୍ଭକାର ଦେବୀ ପ୍ରସାଦ ମହାପାତ୍ର ଉଦଘାଟନ କରିଥିବାବେଳେ ମୁଖ୍ୟ ଅତିଥିଭାବେ ଜଗନ୍ନାଥ ସାବତ, ରାଜେନ୍ଦ୍ର କୁମାର ସାହୁ, ରାମ ପ୍ରସାଦ ମିଶ୍ର ଯୋଗଦେଇ ବୃକ୍ଷର ଉପାଦେୟତା ଉପରେ ଆଲୋକପାତ କରିଥିଲେ । ସଂପାଦକ ବିଜୟ କୁମାର ପାଢୀ ଅତିଥି ପରିଚୟ ପ୍ରଦାନ କରିଥିବାବେଳେ ସଭାପତି ଗୋପାଳ କୃଷ୍ଣ ଡାକୁଆ “ବୃକ୍ଷଟିଏ ଜୀବନଟିଏ ସ୍ଲୋଗାନ” ସ୍ଲୋଗାନ ମାଧ୍ୟମରେ ପ୍ରତି ଗ୍ରାମରେ ବୃକ୍ଷହିଁ ଜୀବନ କାର୍ଯ୍ୟକ୍ରମ ମାଧ୍ୟମରେ ଜନସଚେତନତା ସୃଷ୍ଟି କରିବାକୁ ଆହ୍ୱାନ କରିଥିଲେ । ଖବରିଆ ଗ୍ରାମର ଲକ୍ଷ୍ମୀ ନୃସିଂହ ପ୍ରାଙ୍ଗଣରେ ବିଭିନ୍ନ କିସମର ୫୦ଗୋଟି ଚାରା ବୃକ୍ଷ ରୋପଣ ପରାଯାଇଥିଲା । ଉକ୍ତ କାର୍ଯ୍ୟକ୍ରମରେ ପ୍ରତାପ ଚନ୍ଦ୍ର ମାଝୀ, ଉତ୍ତରା ମଲ୍ଲିକ , ବାବୁ ପଣ୍ଡା, ବିଶ୍ୱନାଥ ପଣ୍ଡା , ଶିଶିର ଡାକୁଆ, ଅବିନାଶ ପଣ୍ଡା , ଚିନୁ ନାୟକ , ଶୁଭେନ୍ଦୁ ପଣ୍ଡା ଏବଂ ଖଜୁରିଆ ଗ୍ରାମବାସୀ ସହଯୋଗ କରିଥିଲେ ।