ସଙ୍ଗୀତକାର ବନରାଜ ଭାଟିଆଙ୍କୁ ସାହାଯ୍ୟ କରିବାଲାଗି ଆଗେଇ ଆସିଲେ ଅମୀର ଖାନ

ମୁମ୍ବାଇ: ବଲିଉଡ ସୁପରଷ୍ଟାର ଅମୀର ଖାନ ପ୍ରଖ୍ୟାତ ସଙ୍ଗୀତକାର ବନରାଜ ଭାଟିଆଙ୍କୁ ସାହାଯ୍ୟ କରିବାଲାଗି ଆଗେଇ ଆସିଛନ୍ତି । ସୂଚନାଯୋଗ୍ୟ ଗତ କିଛିଦିନ ହେବ ବନରାଜ ନିଜ ଆର୍ଥିକ ସମସ୍ୟାକୁ ନେଇ ଚିନ୍ତାରେ ରହିଛନ୍ତି । ସେ ଦୀର୍ଘ ଦିନ ଧରି ଅସୁସ୍ଥ ଥିବା କଥା କହିଥିଲେ ଏବଂ ତାଙ୍କ ନିକଟରେ ଅର୍ଥ ନାହିଁ କହିଥିଲେ । ବନରାଜ ଏବେ ଆଣ୍ଠୁଗଣ୍ଠି ରାଗରେ ପୀଡିତ ଅଛନ୍ତି । ଏହାଛଡ଼ା ତାଙ୍କର ଶ୍ରବଣ ସମସ୍ୟା ଦେଖାଦେବା ସହ ତାଙ୍କର ସ୍ମରଣ ଶକ୍ତି କ୍ରମଶଃ ହ୍ରାସ ପାଇବାରେ ଲାଗିଛି । ବନରାଜ ଭାଟିଆ କହିଥିଲେ ଯେ, ତାଙ୍କ ବ୍ୟାଙ୍କ ଜମା ଖାତାରେ ଟଙ୍କାଟିଏ ମଧ୍ୟ ନାହିଁ । ଏପରି ପରିସ୍ଥିତିରେ ଅମୀର ଖାନ ତାଙ୍କୁ ସାହାଯ୍ୟ କରିବା ପାଇଁ ନିଷ୍ପତ୍ତି ନେଇଛନ୍ତି । ଅମୀର ନିଜ ଟ୍ୱିଟର ଆକାଉଣ୍ଟରେ ଲେଖିଛନ୍ତି,  ଏହା ଜଣାଇବାରେ ମାତେ ଖୁସି ଲାଗୁଛି ଯେ, ସଙ୍ଗୀତକାର ବନରାଜ ଭାଟିଆଙ୍କ ଜୀବନୀ ଉପରେ ଏବେ ବହି ଲେଖାଯିବ । ଏହି ବହିକୁ ଖାଲିଦ ମହମ୍ମଦ ଲେଖିବେ । ବହିଟିକୁ ମୋର ବନ୍ଧୁ ଦିଲୀପ ତାହିଲଙ୍କ ସହାୟତାରେ ଲେଖାଯିବ । ଏଥିରୁ ମିଳିବା ଅର୍ଥକୁ ବନରାଜଙ୍କୁ ଦିଆଯିବ