ସଞ୍ଜିବନୀ ବିଦ୍ୟାମନ୍ଦିରରେ ଜାତୀୟ ବିଜ୍ଞାନ ଦିବସ ପାଳିତ

କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-କେନ୍ଦ୍ରାପଡା ସହର ଉପକଣ୍ଠରେ ଥିବା ସଞ୍ଜିବନୀ ବିଦ୍ୟାମନ୍ଦିରରେ ଜାତୀୟ ବିଜ୍ଞାନ ଦିବସ ପାଳିତ ହୋଇଯାଇଛି । ଏହି ଅବସରରେ ବିଦ୍ୟାମନ୍ଦିର ପରିସରରେ ଅନୁଷ୍ଠିତ ବିଜ୍ଞାନ ପ୍ରଦର୍ଶନୀରେ ଛାତ୍ରଛାତ୍ରୀଙ୍କ ଦ୍ୱାରା ୪୦ଟି ବିଜ୍ଞାନ ସମ୍ବନ୍ଧୀୟ ଚିତ୍ର ଓ ପ୍ରକଳ୍ପ ସ୍ଥାନ ପାଇଥିଲା । ଏଥିରେ କଷଣଅଣ୍ଟା ଉଚ୍ଚ ପ୍ରାଥମିକ ସ୍କୁଲର ପ୍ରାକ୍ତନ ପ୍ରଧାନ ଶିକ୍ଷକ କେଶବ ସେଠୀ ଓ ଗୋବରୀ ନୋଡାଲ ସ୍କୁଲର ବିଜ୍ଞାନ ଶିକ୍ଷକ ରାଜେନ୍ଦ୍ର ପ୍ରସାଦ ମିଶ୍ର ଅତିଥି ଭାବେ ଯୋଗଦେଇ ପ୍ରଦର୍ଶନୀକୁ ବୁଲି ଦେଖିଥିଲେ । ବିଦ୍ୟାଳୟର ଆଚାର୍ଯ୍ୟ କାଳନ୍ଦୀ ସାହୁ ଓ ବିଶ୍ୱଭୂଷଣ ପ୍ରହରାଜ ପ୍ରଦର୍ଶନୀ ବୁଲି ଦେଖିବାରେ ସହଯୋଗ କରିଥିଲେ । ବିଦ୍ୟାଳୟକୁ ଆସୁଥିବା ଛାତ୍ରଛାତ୍ରୀମାନଙ୍କୁ ଆଚାର୍ଯ୍ୟା ଅସୀମା ଦ୍ୱିବେଦୀ ଓ ମଞ୍ଜୁଲତା ପରିଡା ସ୍ୱାଗତ କରିଥିଲେ । ଏହି ଉପଲକ୍ଷେ ଅନୁଷ୍ଠିତ ସଭାରେ ବିଦ୍ୟାମନ୍ଦିର ଅଧ୍ୟକ୍ଷ ଚିତ୍ତରଞ୍ଜନ ଆଚାର୍ଯ୍ୟ ସଭାପତିତ୍ୱ କରିଥିଲେ । ଗୁରୁଜୀ ସଦାଶିବ ପଣ୍ଡିତ୍ରା ଅତିଥି ପରିଚୟ ପ୍ରଦାନ କରିଥିଲେ । ଅତିଥିମାନେ ବିଜ୍ଞାନ ସମ୍ପର୍କରେ ଆଲୋକପାତ କରିବା ସହ ସାର୍ ଆଇଜାକ୍ ନ୍ୟୁଟନ ଓ ସି.ଭି. ରମଣଙ୍କ ସମ୍ପର୍କରେ ବକ୍ତବ୍ୟ ରଖିଥିଲେ । ଏହି ଉପଲକ୍ଷେ ଅନୁଷ୍ଠିତ ବିଜ୍ଞାନ ପ୍ରଶ୍ନମଞ୍ଚ କାର୍ଯ୍ୟକ୍ରମରେ କୃତ୍ତି ଛାତ୍ରଛାତ୍ରୀମାନଙ୍କୁ ପୁରସ୍କାର ବୀତରଣ କରାଯାଇଥିଲା । ପ୍ରଶ୍ନମଞ୍ଚ କାର୍ଯର୍୍ୟକ୍ରମକୁ ଗୁରୁଜୀ ରାଜକିଶୋର ସାହୁ ଓ ବିଜୟ ପାତ୍ର ପରିଚାଳନା କରିଥିଲେ । ବିଜ୍ଞାନ ପ୍ରଦର୍ଶନୀର କୃତ୍ତି ଛାତ୍ରଛାତ୍ରୀମାନଙ୍କୁ ମଧ୍ୟ ପୁରସ୍କାର ବୀତରଣ କରାଯାଇଥିଲା । ଶେଷରେ ପ୍ରଧାନ ଶିକ୍ଷକ ବିଦ୍ୟାଧର ମହାପାତ୍ର ଧନ୍ୟବାଦ ଅର୍ପଣ କରିଥିଲେ । ବିଦ୍ୟାମନ୍ଦିରର ଗୁରୁମା ମଞ୍ଜୁଲତା ପରିଡା, ରତ୍ନମଣୀ ଷଡଙ୍ଗୀ, ସଂଯୁକ୍ତା ପାଣିଗ୍ରାହୀ, ସ୍ନେହଲତା ସାହୁ, ଗୈାରୀ ସାହୁ, ଗଣେଶ୍ୱର ମିଶ୍ର, ସଞ୍ଜୁବାଳା ନନ୍ଦ, ଅସୀମା ଦ୍ୱିବେଦୀ, ଶୁଭାସିନୀ ରାଉତ, ପ୍ରଜ୍ଞା ପରମିତା ଦାଶ, ପ୍ରଜ୍ଞା ପରମିତା ସାହୁ, କୁନି ଦାସ, ମାନସୀ ବାରିକ ଓ ସେବିକା ନିରୁପମା ମିଶ୍ର ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।