ସଡକ ଦୁର୍ଘଟଣାରେ ଜଣେ ମୃତ
ଛତ୍ରପୁର,(ଦେବଦତ୍ତ ମହାରଣା) : ଚମାଖଣ୍ଡି ଥାନା ଅଧୀନ ଟାଙ୍ଗଣାପଲ୍ଲୀ ଗ୍ରାମ ବଡକେନାଲ ରାସ୍ତାରେ ଏକ ସଡକ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ଦୁର୍ବନ୍ଧ ଗ୍ରାମର ରଞ୍ଜନ ମୁନି(୪୦) ବୋଲି ଜଣାପଡିଛି । ସେ ଓଡି୦୭ଏବି-୭୩୧୮ ପଲସର ବାଇକ୍ରେ ରାମପଲ୍ଲୀ ଗ୍ରାମରୁ ବଣବୁଲାପଲ୍ଲୀ ଗ୍ରାମକୁ ଯାଉଥିଲେ । ଭାରସାମ୍ୟ ହରାଇ କେନାଲ ରାସ୍ତାରେ ବାଇକ୍ରୁ ତଳେ ପଡି ଯାଇଥିଲେ । କେନାଲ ରାସ୍ତାଟି ସଂପୂର୍ଣ୍ଣ ମେଟାଲ ରାସ୍ତା ଥିବାବେଳେ ଦୁର୍ଘଟଣା ପରେ ରଞ୍ଜନଙ୍କ ମୁଣ୍ଡରେ ଆଘାତ ଲାଗିଥିଲା । ଉକ୍ତ ସମୟରେ କୌଣସି ବ୍ୟକ୍ତିଙ୍କ ସେହି ରାସ୍ତାରେ ଯାତାୟତ ନଥିବାରୁ ଘଟଣା ସ୍ଥଳରେ ହିଁ ତାଙ୍କରି ପ୍ରାଣବାୟୁ ଚାଲି ଯାଇଥିଲା । ସୂଚନା ପାଇ ଚମାଖଣ୍ଡି ଥାନା ପୁଲିସ ପହଞ୍ଚି ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲେ ।
