ସଡକ ଦୁର୍ଘଟଣା,୨ମୃତ

(ଯୁଗାବ୍ଦ ନ୍ୟୁଜ)ଯାଜପୁର ଜିଲ୍ଲା ୨୧୫ନଂ ଜାତୀୟ ରାଜପଥର କୋରାଇ ଥାନା ଅନ୍ତର୍ଗତ ପାଟୁଳି ଛକ ନିକଟରେ ମର୍ମନ୍ତୁଦ ଦୁର୍ଘଟଣା । ଦୁଇ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ।ଦୁଇ ବାଇକ୍ ର ଚାଳକ ଦୁଇ ଜଣଙ୍କ ମୃତ୍ୟୁ । ଅନ୍ୟ ଦୁଇ ମହିଳା ଗୁରୁତର ଆହତ । ଆହତ ମହିଳା ଦୁଇ ଜଣଙ୍କୁ ଚିକିତ୍ସା ପାଇଁ ଯାଜପୁର ରୋଡ ଡାକ୍ତରଖାନାରେ ଭର୍ତ୍ତି କରାଯାଇଛି । ସୂଚନା ମୁତାବକ ଯାଜପୁର ଚଇନିପୁର ଅଞ୍ଚଳର ହାତୀ ଦାସ ନାମକ ଜଣେ ଯୁବକଏକ ବାଇକରେ ଦୁଇଜଣ ମହିଳାଙ୍କୁ ନେଇ ଯାଜପୁର ରୋଡ୍ ଚୋରଦା କାଳୀ ମେଳଣ ପଡିଆରୁ ଅପେରା ଦେଖି ଫେରୁଥିଲେ । ଅନ୍ୟ ପଟୁ ଜହ୍ନା ଗ୍ରାମର ବିକାଶ ମଲ୍ଲିକ ନାମକ ଅନ୍ୟ ଜଣେ ଯୁବକଘରୁ ବାଇକରେ କଳିଙ୍ଗନଗର ଜିନ୍ଦଲ ଷ୍ଟେନଲେସ କାରଖାନାକୁ ଡ୍ୟୁଟିକୁ ଯାଉଥିଲେ ।ପାଟୁଳି ଛକ ନିକଟରେ ଦୁଇ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଦୁଇ ବାଇକରଚାଳକ ଦୁଇ ଜଣଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବା ଜଣାପଡିଛି । ଉଭୟଙ୍କୁ ଡାକ୍ତରମୃତ ଘୋଷଣା କରିଥିବା ବେଳେ ଅନ୍ୟ ଦୁଇ ମହିଳାଙ୍କ ଅବସ୍ଥା ଗୁରୁତର ରହିଛି ।ସେମାନଙ୍କୁ ଯାଜପୁର ରୋଡ୍ ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯାଇ ପରେ କଟକଏସସିବି ସ୍ଥାନାନ୍ତର କରାଯାଇଛି । କୋରାଇ ପୋଲିସ୍ ଡାକ୍ତରଖାନାରେ ପହଞ୍ଚି ମୃତଦେହଦୁଇଟି ଜବତ୍ କରିବା ସହ ଘଟଣାର ତଦନ୍ତ ଜାରୀ ରଖିଛି ।