ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ବ୍ଲକ ପିରିପୁର ସ୍ଥିତ ବିଜୁକଳାକାର ସଂଘ ପକ୍ଷରୁ ସଡକ ସୁରକ୍ଷା ଓ ସଚେତନତା କାର୍ଯ୍ୟକ୍ରମ ବାରିକପୁର ବଜାର ଠାରେ ଅନୁଷ୍ଠିତ ହୋଇଯାଇଛି । ଆଇନ ସ୍ୱେଚ୍ଛାସେବୀ ନାରାୟଣ ପୋଥାଳଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମରେ ଶିକ୍ଷାବିତ ପୁରୁଷୋତ୍ତମ ଧଳ, ମଞ୍ଚ କଳାକାର ଅନାଦି ଚରଣ ସ୍ୱାଇଁ, ଗୌରହରି ସାହୁ, ଅନନ୍ତ ଜେନା, ଘନଶ୍ୟାମ ସ୍ୱାଇଁ, ହିମାଂଶୁ ରାଉତ ପ୍ରମୁଖ ଯୋଗଦେଇ ଲୋକମାନଙ୍କୁ ସଚେତନତା ବାର୍ତ୍ତା ପ୍ରଦାନ କରିଥିଲେ । ଦୃତଗତିରେ ଗାଡି ନଚଳାଇବା, ମୋବାଇଲରେ କଥା ନହେବା ଓ ସର୍ବଦା ହେଲମେଟ ବ୍ୟବହାର କରିବାକୁ କଳାକାର ସଂଘର ସଦସ୍ୟମାନେ ମୋଟରସାଇକେଲ ଆରୋହୀ ମାନଙ୍କୁ ସଚେତନ କରିଥିଲେ ।