ସତ୍ୟଜିତ୍ ରାୟ ଚୌଧୁରୀଙ୍କ ପକ୍ଷରୁ କୁଷ୍ଠ ରୋଗୀରୁ ଆରୋଗ୍ୟ ଲାଭ କରିଥିବା ବ୍ୟକ୍ତିଙ୍କୁ କମ୍ବଳ ଓ ଫଳ ବଣ୍ଟନ
ଭୁବନେଶ୍ୱର (ଯୁଗାବ୍ଦ ନ୍ୟୁଜ୍): ବିଶିଷ୍ଟ ଶିକ୍ଷାବିତ୍ ତଥା ସମାଜସେବୀ ସତ୍ୟଜିତ୍ ରାୟ ଚୌଧୁରୀଙ୍କ ତରଫରୁ କୁଷ୍ଠ ରୋଗରୁ ଆରୋଗ୍ୟ ଲାଭ କରିଥିବା ବ୍ୟକ୍ତିଙ୍କୁ କମ୍ବଳ ଓ ଫଳ ବଣ୍ଟନ କାର୍ଯ୍ୟକ୍ରମ ଭୁବନେଶ୍ୱରର ବୁଦ୍ଧ ବିହାରଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଓଡ଼ିଶାର ପ୍ରଥମ ଦୃଷ୍ଟିବାଧିତ ଓ.ଏ.ଏସ୍. ଅଧିକାରୀ ସନ୍ୟାସୀ ବେହେରା, ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ଓଡ଼ିଶା ମୁଖ୍ୟ ଡମ୍ବରୁଧର ଭୁୟାଁ, ରାଜ୍ୟ ଯୁବ ଆଇନଜୀବୀ ସାମ୍ମୁଖ୍ୟର ସଭାପତି ଦେବାଶିଷ ମହାପାତ୍ର, ନମିତା ଦେବୀ ଶିକ୍ଷାନୁଷ୍ଠାନ ସମୂହର ଅଧ୍ୟକ୍ଷା ପ୍ରଜ୍ଞା ପରିମିତା ବେହେରା, ଯୁବ ଆଇନଜୀବୀ ସୌମ୍ୟରଞ୍ଜନ ପଟ୍ଟନାୟକ, ବିଭୁକୃଷ୍ଣ ପାଳଙ୍କ ସମେତ ବହୁ ବୁଦ୍ଧିଜୀବୀ ଓ ଯୁବକ ଯୋଗ ଦେଇଥିଲେ । ପ୍ରକାଶ ଥାଉକି, ଶ୍ରୀ ଚୌଧୁରୀ ସରକାରୀ ଚାକିରିରୁ ସ୍ୱେଚ୍ଛାକୃତ ଅବସର ଗ୍ରହଣ କରି ଦୀର୍ଘ ଦିନର ସ୍ୱପ୍ନ ସମାଜସେବାରେ ନିଜକୁ ଉତ୍ସର୍ଗ କରୁଛନ୍ତି ।
