ସନ୍ଥ ନିରଙ୍କାରୀ ମିଶନ ପକ୍ଷରୁ ରକ୍ତଦାନ ଶିବିର ହିଂଜିଳିକାଟୁ

ହିଂଜିଳିକାଟୁ, (ଶେଷଦେବ ସାହୁ) : ସନ୍ଥ ନିରଙ୍କାରୀ ମିଶନ ପକ୍ଷରୁ ମଙ୍ଗଳବାର ଏକ ରକ୍ତଦାନ ଶିବିର ହିଂଜିଳିକାଟୁ ବ୍ଳକ ସମରଝୋଳ ସ୍ଥିତ ନିରଙ୍କାରୀ ଭବନରେ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମକୁ ହିଂଜିଳିକାଟୁ ବ୍ଲକ ଅଧ୍ୟକ୍ଷ ତଥା ନିରଙ୍କାରୀ ମିଶନର ଜିଲା ସଂଯୋଜକ ଏନ ରଘୁନାଥ ଉଦଘାଟନ କରିଥିଲେ ।ମିଶନର ବରିଷ୍ଟ ସଭ୍ୟ ଆର ଧନୁଜୀ, ଏସ ରାଜାରାଓ, ଏମ ପ୍ରକାଶ, ସେବାଦଳର ଅଧିକାରୀ ଏନ. ନାଗେଶ୍ୱର ରାଓ, ଡ଼ି ଆଦିକନ୍ଦ, ଏମ. ପ୍ରକାଶ, ଏଲ. ବିଜୟ ଗୋପାଳ ରେଡ୍ଡି, ପୋଚିଲିମା ସଂରପଚ ଭାଣ୍ଡି ରବୀନ୍ଦ୍ର ପ୍ରମୁଖ ଯୋଗ ଦେଇଥିଲେ । ପ୍ରବଳ ଗ୍ରୀଷ୍ମ ପ୍ରବାହ ଜାରୀ ରହିଥିବା ସତ୍ୱେ ରକ୍ତଦାତାଙ୍କ ମଧ୍ୟରେ ପ୍ରବଳ ଉତ୍ସାହ ଲାଗି ରହିଥିବାର ଦେଖିବାକୁ ମିଳିଥିଲା । ଅ।।ୟୋଜିତ ଶିବିରରେ ମୋଟ ୭୨ୟୁନିଟ ରକ୍ତ ସଂଗ୍ରହ ହୋଇଥିଲା । ବ୍ରହ୍ମପୁର ରକ୍ତ ଭଣ୍ଡାରର ଡ଼ା ଅସ୍ମିତା ପାଣିଗ୍ରାହି, ପ୍ରଦିପ ସୁବୁଦ୍ଧି, ସୁଶାନ୍ତ କୁମାର ପାଣିଗ୍ରାହି, ରାମହରି ପଣ୍ଡା,ଲକ୍ଷ୍ମଣ ବେହେରା ପ୍ରମୁଖ ରକ୍ତଦାତାଙ୍କ ଠାରୁ ରକ୍ତ ସଂଗ୍ରହରେ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।