ସନ୍ଦେହ ଜନକ ଅବସ୍ଥାରେ ଯୁବକଙ୍କ ମୃତ୍ୟୁ

ପାରଳାଖେମୁଣ୍ଡି, (ତାରିଣୀ ପଣ୍ଡା) :-ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ଥିବା ଜଣେ ଯୁବକଙ୍କ ସନ୍ଦେହଜନକ ଭାବେ ମୃତ୍ୟୁ ଘଟିଥିବାର ଜଣାପଡିଛି । ଶନିବାର ସନ୍ଧ୍ୟା ସମୟରେ ସ୍ଥାନୀୟ ଟାଉନ ହଲ ଗେଟ ଠାରେ ମୃତ ଦେହକୁ ପାରଳାଖେମୁଣ୍ଡି ଆଦର୍ଶ ଥାନା ପୋଲିସ ଜବତ କରି ଶବ ବ୍ୟବଚ୍ଛେଦ ନିମନ୍ତେ ପଠାଇଦେଇଛି । ମୃତ ଯୁବକ ଜଣକ ହେଲେ ସହରର ମୁତ୍ୟାଲୁମା ସାହିର ମୁନା ପ୍ରଧାନ ବୋଲି ଜଣାପଡିଛି । ପ୍ରତ୍ୟେକ୍ଷଦର୍ଶିଙ୍କ କହିବାନୁ ଯାୟୀ ଯୁବକ ଜଣକ ଉଲ୍ଲେଖିତ ଗେଟ ଠାରେ ପଡିଯାଇଥିଲେ । ତାଙ୍କୁ ତୁରନ୍ତ ପାଣି ପିଆଇ ବସେଇବାକୁ ଚେଷ୍ଟା କରିଥିଲେ ମଧ୍ୟ ସେଠାରେହିଁ ସେ ଟଳିପଡିଥିଲେ । ଶନିବାର ଦିନ ପ୍ରବଳ ଖରା ହୋଇଥିବାରୁ ଅଂଶୁଘାତରେ ମୃତ୍ୟୁ ହୋଇଥାଇପାରେ ବୋଲି ଚର୍ଚ୍ଚା ହେଉଛି । ଅନ୍ୟପକ୍ଷରେ ଏପରି ଜଣେ ଚାଲି ଚାଲି ଯାଉଥିବା ଯୁବକଙ୍କ ହଠାତ ମୃତ୍ୟୁ ଘଟିଥିବାକୁ ନେଇ ବିଭିନ୍ନ ଆଲୋଚନା ମଧ୍ୟ ହେଉଛି । ତେବେ ଶବ ବ୍ୟବଚ୍ଛେଦ ରିପୋର୍ଟ ପାଇବାପରେହିଁ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପାରଳାଖେମୁଣ୍ଡି ଆଦର୍ଶ ଥାନା ପୋଲିସ କହିଛି ।