ସପଙ୍ଗ ଛକରେ ଆୟାପ୍ପା ସ୍ୱାମୀ ଇରୁମୁଡି କାର୍ଯ୍ୟକ୍ରମ ଅନୁଷ୍ଠିତ
ଚିକିଟୀ,(ପୁଷ୍ପାଞ୍ଜଳି ମିଶ୍ର):ଗଞ୍ଜାମ ଜିଲ୍ଲା ପାତ୍ରପୁର ବ୍ଳକ ଅନ୍ତର୍ଗତ ସପଙ୍ଗ ଠାରେ ଶ୍ରୀ ଆୟାପ୍ପା ସ୍ୱାମୀ ଇରୁମୁଡି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ପଡୋଶୀ ରାଜ୍ୟ ଆନ୍ଧ୍ର ପ୍ରଦେଶ ଶ୍ରୀକାକୁଲମ ଜିଲ୍ଲା କାବିଟି ମଣ୍ଡଳ ଖଜୁରି ଗ୍ରାମର ଶ୍ରୀନିବାସ ଗୁରୁ ସ୍ୱାମୀଙ୍କ ପୌରହିତ୍ୟରେ ଆୟୋଜିତ କାର୍ଯ୍ୟକ୍ରମରେ ସପଙ୍ଗ ସନିଧାନ ଗୁରୁ ସ୍ୱାମୀ ଜୟରାମ ଦୋରା ସ୍ୱାମୀଙ୍କ ଦ୍ଵାରା ଆୟାପ୍ପା ସ୍ୱାମୀଙ୍କ ସହସ୍ର ନାମ ଗାନ କରାଯାଇ ପୁଜା ଅର୍ଚ୍ଚନା କରାଯାଇଥିଲା। ଗତମାସ ନଭେମ୍ବର ୨ ତାରିଖ ଠାରୁ ଆୟାପ୍ପା ସ୍ୱାମୀ ଭକ୍ତ ଆୟାପ୍ପା ଦିକ୍ଷା ଗ୍ରହଣ କରି ପ୍ରାୟ ୪୧ ଦିନ ଧରି ନିୟମ ନିଷ୍ଠା ସହକାରେ ପୂଜା ଅର୍ଚ୍ଚନା କରାଯାଇଥିବା ବେଳେ ଆଜି ବୁଧବାର ଦିନ ଆୟାପ୍ପା ସ୍ୱାମୀ ଇରୁମୁଡି ମୁଣ୍ଡରେ ଧରି କେରଳ ରାଜ୍ୟରେ ସବରିମାଳା ଆୟାପ୍ପା ମନ୍ଦିରରେ ଅଭିମୁଖେ ଯାତ୍ରା ଆରମ୍ଭ କରିଥିବା ଦେଖିବାକୁ ମିଳିଛି। ଏହି କାର୍ଯ୍ୟକ୍ରମରେ ସ୍ଥାନୀୟ ଅଞ୍ଚଳର ହଜାର ହଜାର ଭକ୍ତ ଉପସ୍ଥିତ ହୋଇ ପ୍ରାସାଦ ସେବନ କରିଥିଲେ।
