ସବର୍ଣ୍ଣ-ଅସବର୍ଣ୍ଣ ସଂଘର୍ଷ ଉଭୟ ପକ୍ଷର ୫ଗିରଫ

ଦିଗପହଣ୍ଡି,(ଅଳକ ନାଥ ମିଶ୍ର):ଦିଗପହଣ୍ଡି ବ୍ଲକ ବିଜୟ ଲକ୍ଷ୍ମୀନାରାୟଣ ପୁର ଗ୍ରାମର ସବର୍ଣ୍ଣ – ଅସବର୍ଣ୍ଣ ସଂଘର୍ଷ ଘଟଣାରେ ପୋଲିସ ବୁଧବାର ଉଭୟ ପକ୍ଷର ୫ ଜଣଙ୍କୁ ଗିରଫ କରି ସନ୍ଧ୍ୟାରେ କୋର୍ଟ ଚାଲାଣ କରିଛନ୍ତି। ଗିରଫ ଅଭିଯୁକ୍ତ ମାନେ ହେଲେ ଦିଗପହଣ୍ଡି ଥାନା ଗୋକର୍ଣ୍ଣପୁର ଗ୍ରାମର ଗାଡ଼ି ଚାଳକ ସୁରେନ୍ଦ୍ର ନାୟକ, ବିଜୟ ଲକ୍ଷ୍ମୀନାରାୟଣ ପୁର ଗ୍ରାମର ସୁଶାନ୍ତ ସାହୁ, ଭୈରବ ସାହୁ, ସନ୍ତୋଷ ସାହୁ ଏବଂ ଗୋକୁଳ ଚଣ୍ଡ।ଗତ ୧୬ ତାରିଖ ରାତିରେ ଜହ୍ନି ଓଷା ଉଦଯାପନ ବିସର୍ଜନ ବେଳେ ଶୋଭାଯାତ୍ରା ରେ ଗାଡ଼ି ସାଇଡ କୁ ନେଇ ଉଭୟ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଥିଲା।ଉଭୟ ଗୋଷ୍ଠୀ ପକ୍ଷରୁ କେ.ନୂଆଗାଁ ଥାନାରେ ଏତଲା ଦିଆଯାଇଥିଲା।ଏତଲାକୁ ଭିତ୍ତିକରି ଥାନା ମାମଲା ନଂ.୩୧୬/୨୪ ଏବଂ ୩୧୭/୨୪ ଅନୁଯାୟୀ ପୃଥକ ମାମଲା ରୁଜୁ କରାଯାଇଥିଲା। ଚିକିଟି ଏସଡିପିଓ ବିଶ୍ୱାମିତ୍ର ହରପାଲ ସବର୍ଣ୍ଣ ଗୋଷ୍ଠୀର ୪ ଅଭିଯୁକ୍ତ ମାନଙ୍କୁ ଗିରଫ କରି ବ୍ରହ୍ମପୁର ଜିଲ୍ଲା ଦୌରା ଜଜ କୋର୍ଟ କୁ ଚାଲାଣ କରିଥିବା ବେଳେ ଅସବର୍ଣ୍ଣ ଗୋଷ୍ଠୀର ଜଣେ ଅଭିଯୁକ୍ତ ଙ୍କୁ ନୂଆପଡ଼ା ଫାଣ୍ଡି ଅଧିକାରୀ ଏସ.ଆଇ ଜଗବନ୍ଧୁ ବାର୍ଲା ଗିରଫ କରି କୋର୍ଟ ଚାଲାଣ କରିଥିବା କେ.ନୂଆଗାଁ ଥାନା ଆଇଆଇସି କିଶୋର କୁମାର ସାମଲ ଜଣାଇଛନ୍ତି।