ସବୁଆଡେ କରୋନା ପ୍ରଭାବ, ବଜାର ଘାଟ ଶୁନଶାନ

ହାଟଡ଼ିହି, : କରୋନାକୁ ନେଇ ସମଗ୍ର ଦେଶରେ ନାହିଁ ନଥିବା ସତର୍କ ବ୍ୟବସ୍ଥା ଜାରିକରାଯିବା ଓ ପ୍ରଶାସନ ପକ୍ଷରୁ ବିଭିନ୍ନ ଜିଲ୍ଲାରେ ୧୪୪ଜାରି କରାଯିବା ପରେ ଏହାର ପ୍ରଭାବ ଏବେ ସବୁଆଡେ ପଡିଛି । ଗତକାଲି କେନ୍ଦୁଝର ଜିଲ୍ଲା ପ୍ରଶାସନ ପକ୍ଷରୁ ୧୪୪ଜାରି କରାଯିବା ପରେ ଆଜି କେନ୍ଦୁଝର ଜିଲ୍ଲା ହାଟଡିହି ବ୍ଲକର ବିଭିନ୍ନ ସ୍ଥାନରେ ଏହାର ପ୍ରଭାବ ଦେଖିବାକୁ ମିଳିଛି । ବ୍ଲକ, ତହସିଲ, ବ୍ୟାଙ୍କ ଆଦିରେ ଭିଡ ନଥିବାବେଳେ ଛକ ବଜାର ମାନଙ୍କରେ ଲୋକ ସମାଗମ ଦେଖିବାକୁ ମିଳିନାହିଁ । ବ୍ଲକର ପ୍ରମୁଖ ବ୍ୟବସାୟୀକ ପେଣ୍ଠସ୍ଥଳି ବୋଲାଇଥିବା ଛେନାପଦି ଛକଟି ଆଜି ଜନଶୁନ୍ୟ ହୋଇପଡିଥିବାବେଳେ ବ୍ୟବସାୟିକ ପ୍ରତିଷ୍ଠାନ ଗୁଡିକ ଖାଁ ଖାଁ ଲାଗୁଥିଲା । କେବଳ ଔଷଧ ଦୋକାନ ଗୁଡିକରେ ଲୋକମାନଙ୍କ ଭିଡ ଲାଗିଥିବାବେଳେ ଅନ୍ୟ କେଉଁ ଦେକାନରେ ଗ୍ରାହକ ନଥିବା ମନେ ହେଉଥିଲା । ବାଇକରେ ଯାଉଥିବା ଲୋକମାନେ ମୁହଁରେ ମାକ୍ସ ଲଗାଇ ଯାତାୟତ କରୁଥିବା ଦେଖିବାକୁ ମିଳିଥିଲା ।