ସମବାୟ ସପ୍ତାହ ପାଳନ

ବ୍ରହ୍ମପୁର , (ଯୁଗାବ୍ଦ ନ୍ୟୁଜ) : ଭାରତୀୟ ସମବାୟ ସପ୍ତାହ ପାଳନ ଉପଲକ୍ଷେ ସମବାୟ ବ୍ୟାଙ୍କ ତରଫରୁ ଏକ ବକ୍ତୃତା ପ୍ରତିଯୋଗିତା ଓ ଆଲୋଚନା ଚକ୍ର ରାଜସ୍ୱ ବଙ୍ଗଳା ସମ୍ମିଳନୀ କକ୍ଷରେ ବୁଧବାର ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ସମବାୟ ବିଭାଗର ଉପନିବନ୍ଧକ ଶ୍ରୀ ବିଶ୍ୱ ରଞ୍ଜନ ଦାଶ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଉକ୍ତ ଉତ୍ସବରେ ସମ୍ମାନିତ ଅତିଥୀ ଭାବେ ଯୋଗ ଦେଇଥିଲେ ରାଜ୍ୟ ସମବାୟ ସଂଘର ନିର୍ଦ୍ଦେଶକ ଶ୍ରୀ ସନାତନ ସଂଗ୍ରାମ ସିଂ , ମୁଖ୍ୟ ବକ୍ତା ଭାବେ ସହକାରୀ ସମୀକ୍ଷକ ଶ୍ରୀ କମଳାକାନ୍ତ ମିଶ୍ର , ସମ୍ମାନୀୟ ଅତିଥି ଭାବେ ଶିବ ପ୍ରସାଦ ସ୍ୱାଇଁ ଯୋଗଦେଇ ଆଗାମୀ ଦିନରେ ସମବାୟ ସମିତିର ଉନ୍ନତି କିପରି ଯୁଗଉପେଯାଗୀ ହେବ ଓ ସରକାରଙ୍କ ୫-ଟି ଉପରେ ସମବାୟ ବିଭାଗର ଅଧିନସ୍ଥ ସମସ୍ତ ସମବାୟ ଅନୁଷ୍ଠାନମାନେ ମାନବ ସମାଜର ମଙ୍ଗଳ କାର୍ଯ୍ୟରେ ସେବା ଦେଇପାରିବ । ଉକ୍ତ କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲାର ପ୍ରାୟ ୨୫ଟି ସ୍କୁଲ ଓ କଲେଜର ୨୩ଜଣ ଛାତ୍ରଛାତ୍ରୀ ଯୋଗଦେଇ ବିଭିନ୍ନ ପ୍ରତିଯୋଗୀତାରେ ଯୋଗଦେଇଥିଲେ । ଉକ୍ତ ପ୍ରତିଯୋଗୀତାରେ ପ୍ରଥମ ସ୍ଥାନରେ ବିଶ୍ୱଜିତ ଦାସ , ଦ୍ୱିତୀୟ ସ୍ଥାନ ତପନ ପଟ୍ଟନାୟକ ଓ ତୃତୀୟ ସ୍ଥାନରେ ଶ୍ରୀକାନ୍ତ ପାଣିଗ୍ରାହୀଙ୍କୁ ପୁରସ୍କାର ପ୍ରଦାନ କରାଯାଇଥିଲା ।