ସମାଜସେବୀ ଶ୍ରୀଧର ଜେନାଙ୍କ ପରଲୋକ

ହାଟଡ଼ିହି :ବ୍ଲକ କଳିଗାଁ ଗ୍ରାମର ବିଶିଷ୍ଟ ସମାଜସେବୀ ଶ୍ରୀଧର ଜେନାଙ୍କ ୭୨ବର୍ଷ ବୟସରେ ଆଜି ଭୋର ୪ଟାବେଳେ ପରଲୋକ ହୋଇଯାଇଛି । ସେ ଗତ କିଛିଦିନ ହେଲା ଅସୁସ୍ଥ ଥିଲେ । ତାଙ୍କ ପରଲୋକ ଖବରପାଇ ବିଧାୟକ ଭାଗିରଥି ସେଠୀ ଗଭୀର ଶୋକପ୍ରକାଶ କରିବା ସହ ପରିବାର ଲୋକଙ୍କୁ ସମବେଦନା ଜଣାଇଛନ୍ତି । ପୁର୍ବତନ ପିସିସି ସଭାପତି ଜୟଦେବ ଜେନା, ମଧୁ ମହାପାତ୍ର, ଶ୍ରୀକାନ୍ତ ବିଶ୍ୱାଳ, ରମେଶ ବାରିକ, ଅଲେଖ ମଲ୍ଲିକ, ଶଙ୍କର୍ଷଣ ମଲ୍ଲିକ, ପିତାମ୍ବର ପାତ୍ର, ପ୍ରତାପ ଜେନା, ରତ୍ନାକର ପଣ୍ଡା, ମୃତ୍ୟୁଞ୍ଜୟ ପଲେଇଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ମରଶରୀରରେ ପୁଷ୍ପମାଲ୍ୟ ଅର୍ପଣ କରିବା ସହିତ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଥିଲେ । ପରେ ତାଙ୍କ ମରଶରୀରକୁ ଏକ ଶୋଭାଯାତ୍ରାରେ ଗ୍ରାମ ପରିକ୍ରମା କରିବାପରେ ଗାଁ ସ୍ମଶାନରେ ଶେଷକୃତ୍ତ୍ୟ ସମ୍ପର୍ଣ୍ଣ କରାଯାଇଥିଲା । ପୁଅ ପର୍ଶୁରାମ ଜେନା ମୁଖାଗ୍ନି ଦେଇଥିବାବେଳେ ବିଦ୍ୟାଧର ଜେନା, କୋଦଣ୍ଡଧର ନୋ, ଦିଲ୍ଲିପ ଜେନା, ସତ୍ୟନାରାୟଣ ଜେନା, ରାଜୀବ ଜେନାଙ୍କ ସମେତ ସମସ୍ତ ପରିବାର ବର୍ଗ ସଂସ୍କାର କାର୍ଯ୍ୟରେ ସାମିଲ ହୋଇଥିଲେ।