ସମୀରଙ୍କୁ ସମର୍ଥନକରି ସମର୍ଥକଙ୍କ ସମୂହ ଇସ୍ତଫା
ନିମାପଡ଼ା,(ସନ୍ତୋଷ ଦାଶ)ଦାଣ୍ଡରେ ପଡ଼ି ହାଟରେ ଗଡ଼ୁଛି ନିମାପଡ଼ା ବିଜେଡି କନ୍ଦଳ।ସମୀର ଦାଶଙ୍କୁ ପ୍ରାର୍ଥୀ କରିବା ପାଇଁ ସମର୍ଥକମାନେ କରିଛନ୍ତି ଶେଷ ପ୍ରୟାସ। ଶନିବାର ନିମାପଡ଼ାର ମୁକ୍ତାକାଶ ରଙ୍ଗମଞ୍ଚ
ଠାରେ ଏକାଠି ହୋଇଥିଲେ ସମୀରଙ୍କ ସମର୍ଥକ ।ନିମାପଡା ବ୍ଲକ ବିଜେଡ଼ି ସଭାପତି, ନଗର ସଭାପତି, ଗୋପ ବ୍ଲକ ସଭାପତି, ୪୬ଟି ପଞ୍ଚାୟତ ଓ ଏନ୍ଏସିର ବିଜେଡ଼ି କର୍ମକର୍ତ୍ତା,ନିର୍ବାଚିତ ସରପଞ୍ଚ, ସମିତି ସଭ୍ୟ/ସଭ୍ୟା ଏକତ୍ରିତ ହୋଇ ସମିରଙ୍କୁ ଧରାଇଲେ ଇସ୍ତଫାପତ୍ର। ଆଉ ଚେତାବନୀ ମଧ୍ୟ ଦେଇଛନ୍ତି। ଯଦି ରବିବାର ସଂଧ୍ୟା ସୁଦ୍ଧା ସମୀର କୌଣସି ପଦକ୍ଷେପ ଗ୍ରହଣ ନ କରନ୍ତି ତେବେ ସେମାନେ ସମସ୍ତେ ଯେଉଁ ପଦକ୍ଷେପ ଗ୍ରହଣ କରିବେ ତାକୁ ସମୀର ଆଉ ବନ୍ଦ କରି ପାରିବେନି। ଏମିତି ଚେତାବନୀ ଦେଇ ବିଜେଡ଼ି ଛାଡିଛନ୍ତି ଦଳ ର ହଜାର ହଜାର କର୍ମୀ। ଅନ୍ୟ ପକ୍ଷରେ ବିଜେଡ଼ି ରୁ ପ୍ରାର୍ଥୀ ହୋଇଥିବା ଦିଲ୍ଲୀପ ନାୟକ ତାଙ୍କ ପ୍ରଚାର କାର୍ଯ୍ୟ ଜାରି ରଖିଛନ୍ତି। ସତରେ କଣ ବିଜେଡ଼ି ନିମାପଡ଼ାରେ ଆଉ ତାର ପ୍ରାର୍ଥୀ ପରିବର୍ତ୍ତନ କରିବ ନା ସମୀର କିଛି ବଡ଼ ପଦକ୍ଷେପ ଗ୍ରହଣ କରିବେ ତାହାକୁ ସମଗ୍ର ନିର୍ବାଚନମଣ୍ଡଳୀର ଭୋଟର ଚାହିଁ ବସିଛନ୍ତି।
