ସରକାରୀ ଧନ୍ଦାମୂଳକ ଉଚ୍ଚ ମାଧ୍ୟମିକ ବିଦ୍ୟାଳୟରେ କର୍ମଶାଳା ଆୟୋଜିତ
ଭଞ୍ଜନଗର,(ସନ୍ତୋଷ କୁମାର ଜେନା):ଗଞ୍ଜାମ ଜିଲ୍ଲାର ଭଞ୍ଜନଗର କବି ସମ୍ରାଟ ଉପେନ୍ଦ୍ରଭଞ୍ଜ ମହାବିଦ୍ୟାଳୟ ପରିସରରେ ଥିବା ସରକାରୀ ଧନ୍ଦାମୂଳକ ଉଚ୍ଚ ମାଧ୍ୟମିକ ବିଦ୍ୟାଳୟ ଦ୍ୱାରା ଛାତ୍ର ଛାତ୍ରୀ ଏବଂ ଉପସ୍ଥିତ କର୍ମଜୀବୀମାନଙ୍କୁ ନେଇ କନଫେରେନ୍ସ ହଲ ଠାରେ ଏକ କର୍ମଶାଳା ଆୟୋଜିତ ହୋଇଥିଲା | ଏହି କାର୍ଯ୍ୟକ୍ରମରେ ରିସୋର୍ସପର୍ସନ ଭାବେ କର୍ପୋରେଟ ଟ୍ରେନର କାଳୀ ପ୍ରସାଦ ରବି ଯୋଗଦେଇ ମୁଖ୍ୟ ରୋଜଗାର ଯୋଗ୍ୟତା କୌଶଳ ସମ୍ପର୍କ ରେ ଆଲୋକପାତ କରିଥିଲେ | ଅନ୍ୟମାନଙ୍କ ମଧ୍ୟରେ ମହାବିଦ୍ୟାଳୟ ର ଅଧ୍ୟକ୍ଷ ରାଜେନ୍ଦ୍ର କୁମାର ଦାସ , ଇଲୋକ୍ଟ୍ରେନିକ୍ସ ଅଧ୍ୟାପକ ବୁଦ୍ଧିନାଥ ବେହେରା , ବାଣିଜ୍ୟ ବିଭାଗର ଅଧ୍ୟାପକ ଆର ରମେଶ କୁମାର , ସୂଚନା ଓ ପ୍ରଯୁକ୍ତି ବିଦ୍ୟା ବିଷୟର ଅଧ୍ୟାପକ ସୁରେଶ କୁମାର ପଣ୍ଡା , ରସାୟନ ବିଜ୍ଞାନ ଅଧ୍ୟାପିକା ସ୍ମରଣିକା ପାଢ଼ୀ ପ୍ରମୁଖ ଉପସ୍ଥିତ ଥିଲେ | ଉକ୍ତ କାର୍ଯ୍ୟକ୍ରମରେ ବହୁସଂଖ୍ୟାରେ ଛାତ୍ର ଛାତ୍ରୀ ଓ କର୍ମଜୀବୀ ଯୋଗଦେଇଥିଲେ |
