ସରସ୍ୱତୀ ଶିଶୁ ବିଦ୍ୟାମନ୍ଦିର ପକ୍ଷରୁ ସ୍ୱଚ୍ଛ ଭାରତ ଅଭିଯାନ
ହାଟଡ଼ିହି,(ଯୁଗାବ୍ଦ ନ୍ୟୁ୍ଜ୍): କେନ୍ଦୁଝର ଜିଲ୍ଲା ହାଟଡିହି ବ୍ଲକ ମତାବାଜ ଗ୍ରାମର କାଙ୍ଗାଳିବିହାର ସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିର ପକ୍ଷରୁ ସ୍ୱଚ୍ଛ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପରିଚାଳନା କମିଟିର ସଭାପତି ପୁର୍ଣ୍ଣଚନ୍ଦ୍ର ବେହେରା, ସମ୍ପାଦକ ବିଜୟ କୁମାର ସା, ପ୍ରଧାନ ଆଚାର୍ଯ୍ୟ ବସନ୍ତ କୁମାର ସାହୁ, ଜ୍ୟୋତିର୍ମୟୀ ବେହେରା, ଭାରତୀ କର, ସାଶ୍ୱତୀ ଦଳେଇ, ସଶ୍ମିତା ପଣ୍ଡା, ପ୍ରସନ୍ନ ଶଙ୍ଖୁଆ, ସୁରେଶ କୁମାର ରାଉତ, ସୀମା ପଲେଇ, ପ୍ରତିମା ରାଉତ, ସୁବାସ କୁମାର ଦଳେଇ, ପ୍ରକାଶ ସ୍ୱାଇଁ ପ୍ରମୁଖ ଗୁରୁଜୀ, ଗୁରୁମାଙ୍କ ତତ୍ୱାବଧାନରେ ଶିଶୁମନ୍ଦିରର ଛାତ୍ରଛାତ୍ରୀମାନେ ମା ତାରିଣୀ ମନ୍ଦିର ସମ୍ମୁଖ ପଡିଆକୁ ସଫାସୁତୁରା କରିଥିଲେ । ଗତ ମେଳାରେ ଏହି ପଡିଆଟି ଅପରିସ୍କାର ହୋଇଯାଇଥିବାରୁ ଛାତ୍ରଛାତ୍ରୀ ମାନେ ଏହି ଅଇଳା ଆବର୍ଜନାକୁ ସଫା କରି ପରିସ୍କାର ପରିଛନ୍ନତା ବଜାୟ ରଖିଥିଲେ । ଏହି କାର୍ଯ୍ୟକ୍ରମରେ ସମାଜସେବୀ ନିରଞ୍ଜନ ମହାପାତ୍ର,ଶ୍ରୀକାନ୍ତ ସେନାପତି, ସ୍ମିତ ରଞ୍ଜନ ସେନାପତି, ସୁରେଶ କୁମାର ସା, ଅଜିତ ଜେନା, ଗଦାଧର ନନ୍ଦ, ଧୁସାଶାନ ବେହେରାଙ୍କ ସମେତ ସରମଙ୍ଗା ଗ୍ରାମର କିଛି ଯୁବ ସ୍ୱେଚ୍ଛାସେବୀ ସାମିଲ ହୋଇଥିଲେ ।
