ସରିଲା ଯାଞ୍ଚ, ୫୨ କାଉନସିଲର, ୧୦ ପୌରାଧ୍ୟକ୍ଷା ପ୍ରାର୍ଥୀନୀଙ୍କ ନାମାଙ୍କନ ପତ୍ର କାଏମ

କୋଣାର୍କ, (ଗଣେଶ ଚନ୍ଦ୍ର ବେହେରା):ପୌର ନିର୍ବାଚନ ପରିପ୍ରେକ୍ଷୀରେ କୋଣାର୍କ ଏନଏସି କାର୍ଯ୍ୟାଳୟ ଠାରେ ୧୩ ଗୋଟି ଓ୍ବାର୍ଡ ନିମନ୍ତେ ପ୍ରାର୍ଥୀ ପତ୍ର ଦାଖଲ କରିଥିବା କାଉନସିଲର ଓ ପୌରାଧ୍ୟକ୍ଷା ପ୍ରାର୍ଥୀନୀ ମାନଙ୍କ ଯାଂଚ ପ୍ରକ୍ରିୟା ଶେଷ ହୋଇଛି। ଖବରରୁ ପ୍ରକାଶ ଯେ କୋଣାର୍କ ଏନଏସି ନିର୍ବାଚନ ନିମନ୍ତେ ନାମାଙ୍କନ ପତ୍ର ଯାଞ୍ଚ ପରେ ୫୨ଜଣ କାଉନସିଲର ଓ ୧୦ଜଣ ପୌରାଧ୍ୟକ୍ଷା ପ୍ରାର୍ଥୀନୀ ମାନଙ୍କ ନାମାଙ୍କନ ପତ୍ର କାଏମ ରହିଥିବା ବେଳେ ଏନଏସି ଅନ୍ତର୍ଗତ ୧ନଂ ଓ୍ବାର୍ଡର କଂଗ୍ରେସ କାଉନସିଲର ପ୍ରାର୍ଥୀନି ମମତା ଦାସ ନିଦ୍ୱନ୍ଦରେ ନିର୍ବାଚିତ ହୋଇଥିବା କୋଣାର୍କ ଏନଏସି ନିର୍ବାଚନ ଅଧିକାରୀ ଏସକେ ସାଗିର ପ୍ରକାଶ କରିଛନ୍ତି।