ସର୍ଦ୍ଦାର ଅନ୍ତର୍ଯ୍ୟାମୀ ବିଦ୍ୟାପୀଠରେ ପ୍ରସ୍ତୁତି ବୈଠକ

ବୁଗୁଡା , (ଯୁଗାବ୍ଦ ନ୍ୟୁଜ) : ବୁଗୁଡା ବ୍ଲକ,ବି କରଡ଼ାବାଡି ସର୍ଦ୍ଦାର ଅନ୍ତର୍ଯ୍ୟାମୀ ବିଦ୍ୟାପୀଠର ସୁବର୍ଣ୍ଣ ଜୟନ୍ତୀ ଉପଲକ୍ଷେ ଏକ ପ୍ରସ୍ତୁତି ବୈଠକ ସ୍କୁଲ ପରିସରରେ ବୁଧବାର ଦିନ ଜୟନ୍ତୀ କମିଟିର ସଭାପତି ରିଡର ଡ଼ଃ ବୃନ୍ଦାବନ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।ଏଥିରେ ପୋଲସରା ବିଧାୟକ ତଥା ଯୋଜନା ବୋର୍ଡ ଅଧ୍ୟକ୍ଷ ଶ୍ରୀକାନ୍ତ ସାହୁ,ପ୍ରାକ୍ତନ ଜିଲ୍ଲା ପରିଷଦ ଅଧ୍ୟକ୍ଷ ରେବତୀମୋହନ ନାୟକ,ଶିକ୍ଷାନୁଷ୍ଠାନର ପୂର୍ବତନ ପ୍ରଧାନ ଶିକ୍ଷକ ପ୍ରଭାତ କୁମାର ଦାସ, ବିଜୟ କୁମାର ସାହୁ, ବନମାଳୀ ଦାଶ,ପ୍ରଫୁଲ କୁମାର ମହାପାତ୍ର, ଜୟନ୍ତୀ କମାଟିର ଆବାହକ ଗୋପାଳ ଚନ୍ଦ୍ର ନାୟକଙ୍କ ସମେତ ବିଦ୍ୟାପୀଠର ବହୁ ପୁରାତନ ଛାତ୍ର ଓ ପରିଚାଳନା କମିଟି ସଭ୍ୟ ବୃନ୍ଦ ଯୋଗଦେଇଥିଲେ।୧୯୬୯ ମସିହାରେ ଏହି ଶିକ୍ଷାନୁଷ୍ଠାନ ପ୍ରତିଷ୍ଟିତ ହୋଇଥିବା ବେଳେ ,ଏହି ବର୍ଷ ଏହାର ସୁବର୍ଣ୍ଣ ଜୟନ୍ତୀ ପାଳନ କରିବାକୁ ଯାଉଛି । ଆସନ୍ତ ଫେବୃଆରୀ ପ୍ରଥମ ସପ୍ତାହରେ ଏହି ଉତ୍ସବ ପାଳନ କରିବାକୁ ସ୍ଥିର ହୋଇଥିବା ବେଳେ ଅତିଥି ମାନଙ୍କ ସହ ଆଲୋଚନା କରି ଜୟନ୍ତୀ କମିଟି ଦିନ ଧାର୍ଯ୍ୟ କରିବାକୁ ପ୍ରସ୍ତାବ ଗୃହୀତ ହୋଇଥିଲା।