ସାଂସ୍କୃତିକ କାର୍ଯ୍ୟକ୍ରମ ଉସ୍ମିତା ଅନୁଷ୍ଠିତ

ଗଂଜାମ,(ଯୁଗାବ୍ଦ ନ୍ୟୁଜ) : ଗଂଜାମ ବ୍ଲକ ଅନ୍ତର୍ଗତ କାଇଞ୍ଚପୁର ଗ୍ରାମର କୈବର୍ତ୍ତ ସାହିରେ କାର୍ତ୍ତିକ ପୂର୍ଣ୍ଣିମା ଅବସରରେ ଅଷ୍ଟପ୍ରହର ନାମ ଯଜ୍ଞ ସହ ସାଂସ୍କୃତିକ କାର୍ଯ୍ୟକ୍ରମ ଉସ୍ମିତା ଅନୁଷ୍ଠିତ ହୋଇଯାଇଛି । ଗଞ୍ଜାମ ଓ ଖୋର୍ଦ୍ଧା ଜିଲ୍ଲାର କୈବର୍ତ୍ତ ମହାସଂଘର ସଭାପତି ସନାତନ ବେହେରାଙ୍କ ପରିବାର ତରଫରୁ ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ଆୟୋଜିତ ହୋଇଥିବା କାର୍ଯ୍ୟକ୍ରମକୁ ଖୋର୍ଦ୍ଧା ଜିଲ୍ଲାର ବରିଷ୍ଠ ଓକିଲ ଜନ ବେହେରା ଉଦଘାଟନ କରିଥିଲେ । ସମ୍ମାନୀତ ଅତିଥି ରୂପେ ଗଂଜାମ ପ୍ରେସକ୍ଲବର ସଭାପତି ଶବର କୁମାର ତରାଇ, ଉପଦେଷ୍ଟା ଉମକାନ୍ତ ବେହେରା, ସଂପାଦକ ଵିଦ୍ୟାଧର ସାହୁ, କୋଷାଧ୍ୟକ୍ଷ ପ୍ରଦୀପକୁମାର ପଣ୍ଡା, ପୁର୍ବତନ ସରପଞ୍ଚ ଗୋବିନ୍ଦ ରେଡି, ଶିକ୍ଷକ ବିରେନ ପ୍ରଧାନ, ରଘୁନାଥ ସାହୁ, ଗ୍ରାମ୍ୟ କମିଟି ସଭାପତି କୃଷ୍ଣ ଚନ୍ଦ୍ର ବେହେରା, ଓ ହରିହର ବେହେରା ଯୋଗଦେଇଥିଲେ । କୈବର୍ତ୍ତ ସଙ୍ଘ ସଭପତି ସନାତନ ବେହେରା ସଭପତିତ୍ୱ କରିଥିବା ବେଳେ, କାର୍ଯ୍ୟକ୍ରମକୁ ସଂଜୟ ବେହେରା ସଂଯୋଜନା କରିଥିଲେ । ବିଚାରକ ରୂପେ ବିଶିଷ୍ଟ ନାଟ୍ୟନିର୍ଦେଶକ ପୁର୍ଣଚନ୍ଦ ସ୍ଵାଇଁ, ଗୀତାଞ୍ଜଳି ସ୍ୱାଇଁ, ଯୋଗ ଦେଇଥିଲେ ।ଏହି ଅବସରରେ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଥିବ ଅଲିସା ବେହେରା, 2ୟ ଜୋସ୍ନନା ରାଣୀ ବେହେରା, 3ୟ ଜ୍ୟୋତି ବେହେରା କୁ ଅତିଥି ମନେ ପୁରସ୍କୃତ କରିଥିଲେ । ଏହା ଦେଖିବା ପାଇଁ ଲୋକ ଙ୍କ ପ୍ରବଳ ଭିଡ ଜମିଥିଲା ।