ସାନଖେମୁଣ୍ଡି ପ୍ରାଥମିକ ଶିକ୍ଷକ ସଂଘ ପକ୍ଷରୁ ଅବସରକାଳୀନ ସମ୍ବର୍ଦ୍ଧନା ସଭା

ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ):ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଘ ସାନଖେମୁଣ୍ଡି ବ୍ଲକ୍ ଶାଖା ପକ୍ଷରୁ ପବିତ୍ର ଗୁରୁଦିବସ ଅବସରରେ ଆଲୋଚନା ସଭା ଅନୁଷ୍ଠିତ ହୋଇଯାଇଛି। ସାନଖେମୁଣ୍ଡି ଶିକ୍ଷକ ଭବନ ପରିସରରେ ସଂଘ ସଭାପତି କୈଳାସ ଚନ୍ଦ୍ର ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ସମ୍ପାଦକ ବଳରାମ ପୃଷ୍ଟି କୋଷାଧ୍ୟକ୍ଷ କାଳୁ ପାଣିଗ୍ରାହି ବରିଷ୍ଠ ଶିକ୍ଷକ ଲକ୍ଷ୍ମୀ ପଣ୍ଡା ଯୋଗେନ୍ଦ୍ର ସାହୁ କୁନା ସାହୁ ବାବୁଲା ଡାକୁଆ ନାରାୟଣ ପାଣିଗ୍ରାହୀ ପ୍ରଭାକର ପଟନାୟକଙ୍କ ସମେତ ବହୁ ଶିକ୍ଷକ ଶିକ୍ଷକ ମାନଙ୍କ ସମସ୍ୟା ସମ୍ପର୍କିତ ଆଲୋଚନା କରିଥିଲେ। ବିଭିନ୍ନ ବିଦ୍ୟାଳୟରେ ଶିକ୍ଷକତା ପ୍ରଦାନ କରି ଶିକ୍ଷା ଶିକ୍ଷକ ଓ ଶିକ୍ଷାୟତନ ବିକାଶ ରେ ପ୍ରମୁଖ ଭୂମିକା ନେଇ ଚାକିରିରୁ ଅବସର ଗ୍ରହଣ କରିଥିବା ଶିକ୍ଷକ ନାରାୟଣ ମାଦଳା ବନମାଳୀ ସାହୁ ଶିଶିର ସ୍ଵାଇଁ ଧୃବ ପ୍ରସାଦ ପଣ୍ଡା କେ ମୁନୁ ଆଚାରି ସାବିତ୍ରୀ ଦେବୀ ପ୍ରକାଶ ଚନ୍ଦ୍ର ପଟ୍ଟନାୟକ ଏ ଦଣ୍ଡପାଣି ପାତ୍ର ସୁଦାମ ତ୍ରିପାଠୀ ଏସ ସିମାଦ୍ରୀ ଦୋରା ରମେଶ ମହାରଣା ଦେବେନ୍ଦ୍ର ପଣ୍ଡା ଭାଜରାମ ସ୍ୱାଇଁ ପ୍ରମୁଖ ୧୪ ଜଣ ଶିକ୍ଷକ ଶିକ୍ଷୟତ୍ରୀଙ୍କୁ ଉତ୍ତରୀୟ ମାନପତ୍ର ପ୍ରଦାନ ସହ ଅବସରକାଳୀନ ସମ୍ବର୍ଦ୍ଧନା ଦିଆଯାଇଥିଲା। ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଶୁକଦେବ ମଲିକ ରାମକୃଷ୍ଣ ପଣ୍ଡା ପ୍ରମୁଖ ଅତିଥି ଭାବେ ଯୋଗଦେଇଥିଲେ।