ସାନଜଟିଆପାଲି ରେ ୫୪ତମ ମକର ଯାତ୍ରା ର ଶୁଭସ୍ତମ୍ଭ ସ୍ଥାପନ

କୁଚିଣ୍ଡା, (ଯୁଗାବ୍ଦ ନ୍ୟୁଜ):ସମ୍ବଲପୁର ଜିଲ୍ଲା କୁଚିଣ୍ଡା ବ୍ଳକ ସାନ ଜଟିଆପାଲି ଗ୍ରାମରେ ଆସନ୍ତା ୨୪ ତାରିଖ ରେ ହେବାକୁ ଥିବା ୫୪ତମ ମକର ଯାତ୍ରା ଅବସରରେ ଗ୍ରାମ କମିଟିର ମୁଖ୍ୟ ଲଲିତ ମୋହନ ପୃଷେଠ ଏବଂ ଯାତ୍ରା କମିଟିର ସଭ୍ୟମାନେ ଗ୍ରାମ ଦେବତୀ ଙ୍କ ଠାରେ ପୂଜାର୍ଚ୍ଚନା ପରେ ଶୁଭା ସ୍ତମ୍ଭ ସ୍ଥାପନ କରିଥିଲେ। ସାନ ଜଟିଆପାଲି ଗ୍ରାମର ମକର ଯାତ୍ରା ଦୀର୍ଘଦିନ ଧରି ଚାଲି ଆସୁଥିବାବେଳେ ଗ୍ରାମବାସୀଙ୍କ କହିବା ଅନୁଯାୟୀ ଉକ୍ତ ଯାତ୍ରା ରେ ଆଖ ପାଖର ପ୍ରାୟ ଦୁଇରୁ ତିନି ହଜାର ଲୋକଙ୍କ ସମାଗମ ହୋଇଥାଏ । ଗାଁ ର ପୁରୁଖା ଲୋକଙ୍କ ତତ୍ବାବଧାନରେ ଯୁବକମାନେ ଏକାଠି ମିଶି ଯାତ୍ରା କୁ ସୁରୁଖୁରୁରେ ପରିଚାଳନା କରିଥାନ୍ତି। ଯୁବ ସଭାପତି ଙ୍କ କହିବା ଅନୁଯାୟୀ ଏବର୍ଷ ର କାର୍ଯ୍ୟକ୍ରମ ରେ ହରି ହର ଙ୍କ ମକର ପୂଜା,ସଂପ୍ରଦା, କୀର୍ତ୍ତନ ଏବଂ ନୃତ୍ୟ ପ୍ରତିଯୋଗିତା ସାଙ୍ଗକୁ ରାତ୍ର ସମୟରେ ଏ ବର୍ଷ ଅପେରା ର ଆୟୋଜନ କରାଯିବାର ସୂଚନା ପ୍ରଦାନ କରିଥିଲେ। ମକର ମେଳା ଶୁଭ ସ୍ତମ୍ଭ ସ୍ଥାପନ କାର୍ଯ୍ୟକ୍ରମ ରେ ଓ୍ବାର୍ଡ ସଭ୍ୟ ଗିରିନ୍ଦ୍ର ମିଶିର, ଯୁବ ସଭାପତି ଅମୃତ ବାଦୀ, ସଂପାଦକ ସୁମନ୍ତ ବାଦୀ,ଆଲୋକ ପୃଷେଠ,ବୁଲୁ ବେହେରା, ଶେଷଦେବ ଛଛାନ,ମୁନା କୁସୁମ ପ୍ରମୁଖ ସହଯୋଗ କରିଥିଲେ।