ସାମାଜିକ ନାଟକକୁ ଉଦଘାଟନ କଲେ ପୂର୍ବତନ ବିଧାୟିକା

କୋଦଳା,(ବାପୁନି କୁମାର ମାଲୁ):ଗଞ୍ଜାମ ଜିଲ୍ଲା ଅନ୍ତର୍ଗତ ବେଗୁନିଆପଡା ବ୍ଲକ ସ୍ଥିତ ଏସ. ଛାଚିନା ପଂଚାୟତର ତୁମ୍ବୁଡା ଗ୍ରାମରେ ସୋମବାର ସନ୍ଧ୍ୟା 9 ଘଣ୍ଟ ସମୟରେ କୋଠିଶାଳା ଯାତ୍ରା ଉପଲକ୍ଷେ ମା ତୁମ୍ବେଶ୍ବରୀ ନାଟ୍ୟ ସଂସଦର ମଞ୍ଚସ୍ଥ ସାମାଜିକ ନାଟକ ହେ ମଣିଷ କାନ୍ଦିବ ଆସକୁ ଉଦଘାଟନ କଲେ ପୂର୍ବତନ ବିଧାୟିକା ଶ୍ରୀମତୀ ଲତିକା ପ୍ରଧାନ, ମୁଖ୍ୟ ବକ୍ତା ଭାବେ ରାଜ୍ୟ ବିଜେଡି ସାଧାରଣ ସମ୍ପାଦକ ଶ୍ରୀ ପ୍ରମୋଦ କୁମାର ପଣ୍ଡା, ମୁଖ୍ୟ ଅତିଥି ଭାବେ ବ୍ଲକ ଅଧକ୍ଷା ପ୍ରତିନିଧି ଦୁର୍ଯ୍ୟୋଧନ ଗୌଡ଼, ସାମ୍ନାନୀତ ଅତିଥି ଭାବେ ଉପାଧ୍ୟକ୍ଷ ସୁଧାକର ପ୍ରଧାନ,ବ୍ଲକ ବିଜେଡି ସଭାପତି ସିମାଞ୍ଚଳ ସାମଲ , ଜିଲ୍ଲା ପରିଷଦ ସଦସ୍ୟା ମଧୁମିତା ସାହୁ, ଆସିକା ସମବାୟ ନିର୍ଦେଶକ ହୃଷିକେଶ ମେହେଣା, ଆତ୍ମା ଅଧକ୍ଷ ବିଜୟ ପ୍ରଧାନ। ଉପସ୍ଥିତ ଅତିଥି ମାନେ ଗଞ୍ଜାମ ଓ ଓଡିଶାର କଳା ସଂସ୍କୃତି ଉପରେ ଆଲୋଚନା କରିବା ସହ କଳାକାରଙ୍କୁ ଉତ୍ସାହିତ କରିଥିଲେ । ଗ୍ରାମାଞ୍ଚଳରେ କଳାର ବିକାଶ ପାଇଁ ଗ୍ରାମବାସୀଙ୍କୁ ଧନ୍ୟବାଦ ଦେଇଥିଲେ । ଏଥିରେ ଅନେକ ସରପଞ୍ଚ, ସମିତି ସଭ୍ୟ, ପୂର୍ବତନ ସରପଞ୍ଚ, ଜନପ୍ରତିନିଧି, ସମାଜସେବୀ ଉପସ୍ଥିତ ଥିଲେ । ଏହି ନାଟକକୁ ନାରାୟଣ ସୁବୁଦ୍ଧି ନିର୍ଦେଶନା ଦେଇଥିବା ବେଳେ ଯୁବକ ସଂଘ ଓ ଗ୍ରାମବାସୀ ସହଯୋଗ କରିଥିଲେ ।