ସାମ୍ବାଦିକଙ୍କୁ ସାଂସଦଙ୍କ ଦୁର୍ବ୍ୟବହାର ପ୍ରତିବାଦରେ କୋଦଳା ସାମ୍ବାଦିକଙ୍କ ଦୃଢ ନିନ୍ଦା
କୋଦଳା:-(ଯୁଗାବ୍ଦ ନ୍ୟୁଜ)ଦେଶର ଆଇନ ଅନୁସାରେ ସାମ୍ବାଦିକ ବା ଗଣମାଧ୍ୟମ ପ୍ରତିନିଧିଙ୍କୁ ଚତୁର୍ଥ ସ୍ତମ୍ଭର ଆଖ୍ୟା ଦିଆଯାଇଛି ।ଦେଶରେ ଗଣମାଧ୍ୟମ ବେଶ୍ ଭୂମିକା ବହନ କରିଥାଏ । ଯେଉଁଥି ପାଇଁ ଦେଶ ବା ରାଜ୍ୟରେ ସାମ୍ବାଦିକମାନେ ନିଜକୁ ସୁରକ୍ଷିତ ମଣୁନାହାନ୍ତି । ସୂଚନା ମୁତାବକ, ଗତ ୫ ତାରିଖ ଦିନ କେନ୍ଦ୍ରାପଡ଼ାର ନବନିର୍ବାଚିତ ସାଂସଦ ଅନୁଭବ ମହାନ୍ତି ଜଣେ କର୍ତ୍ତବ୍ୟନିଷ୍ଠ ଦାୟିତ୍ୱସମ୍ପନ୍ନ ସାମ୍ବାଦିକଙ୍କୁ ଅତି ଅସୌଜନ୍ୟ ଢଙ୍ଗରେ ବ୍ୟବହାର ପ୍ରଦର୍ଶନ କରିଛନ୍ତି ।ଖବର ସଂଗ୍ରହ ବେଳେ ସାମ୍ବାଦିକ ମନୋଜ ସ୍ୱାଇଁଙ୍କୁ ସାଂସଦ ଅନୁଭବ ମହାନ୍ତି ଜିଲ୍ଲାପାଳ ଅଫିସ ସାମ୍ନାରେ ତାଳିମାରି ଦୁର୍ବ୍ୟବହାର କରିଥିଲେ । ଯେଉଁଥି ପାଇଁ କୋଦଳା ସାମ୍ବାଦିକ ସଂଘ ପକ୍ଷରୁ ଦୃଢ଼ ନିନ୍ଦା କରିବା ସହ ସାଂସଦଙ୍କ ଉପରେ ଯଥା ସମ୍ଭବ ଦୃଢ଼ କାର୍ଯ୍ୟ।ନୁଷ୍ଠାନ ନେବା ପାଇଁ ଦାବି ହୋଇଛି । ଏଥିରେ ସାମ୍ବାଦିକ ଭଗବାନ ପାଢ଼ୀ, ସୁଶାନ୍ତ କୁମାର ପଟ୍ଟନାୟକ, ସନ୍ତୋଷ କୁମାର ସେଠୀ, ଦିବାକର ପାଣ୍ଡୀ, କୃଷ୍ଣଚନ୍ଦ୍ର ପୋଲେଇ, ଦୀପକ କୁମାର ସେଠୀ, ଜଗନ କୁମାର ସେଠୀ ଓ ଗୁଲସନ କର ପ୍ରମୁଖ ଯୋଗଦେଇ ଥିଲେ ।
