ସାହିତ୍ୟ ଆସରରେ କବିତା ପାଠୋତ୍ସବ

ନିମାପଡ଼ା,(ସନ୍ତୋଷ ଦାଶ):ପୁରୀ ଜିଲ୍ଲା କୋଣାର୍କ ର ମୁକ୍ତାକାଶ ରଙ୍ଗମଞ୍ଚ ଠାରେ ଆଜି କୋଣାର୍କ ସାହିତ୍ୟ ସଂସଦ ପକ୍ଷରୁ ଏକ ସାହିତ୍ୟ ଆସର ଅନୁଷ୍ଠିତ ହୋଇଥିଲା। ଏହି ଅବସର ରେ ରାଜ୍ୟ ର ବିଭିନ୍ନ ଅଞ୍ଚଳରୁ ଆସିଥିବା ଶତାଧିକ କବି ମାନେ ସ୍ଵ ସ୍ୱ କବିତା ପାଠ କରିଥିଲେ। ଏହି ଉତ୍ସବ ରେ ଅତିଥି ଭାବେ କିଟ୍ ବିଶ୍ଵବିଦ୍ୟାଳୟ ଓଡ଼ିଆ ଭାଷା ଓ ସଂସ୍କୃତି ର ନିର୍ଦ୍ଦେଶକ କବି ରକ୍ଷକ ନାୟକ, ବାନରସେନା ର ସମ୍ପାଦକ ପ୍ରକାଶ ଚନ୍ଦ୍ର ଖଟୋଇ ଯୋଗ ଦେଇଥିବା ବେଳେ କବି ମହେନ୍ଦ୍ର କୁମାର ଦାଶ ଓ କବୟିତ୍ରୀ କଳ୍ପନା ମିଶ୍ର ସଂଯୋଜନା କରିଥିଲେ। କୋଣାର୍କ ସାହିତ୍ୟ ସଂସଦ ର ସଭାପତି ତିବିକ୍ରମ ରାମ କୃଷ୍ଣ ମହାପାତ୍ର, ସମ୍ପାଦକ ରବୀନ୍ଦ୍ର ନାଥ ବାହିନୀପତି କବିତା ପାଠୋତ୍ସବ ରେ ଉପସ୍ଥିତ ଥିଲେ।ଶେଷରେ ସାମାଜିକ କର୍ମୀ ରାମ କୃଷ୍ଣ ମହାନ୍ତି ଧନ୍ୟବାଦ ଅର୍ପଣ କରିଥିଲେ।