ସୀମାନ୍ତରେ ଯବାନଙ୍କ ଦ୍ଵାରା ଅସ୍ତ୍ରଶସ୍ତ୍ର ତିଆରି ଉପକରଣ ଓ ମାଓ ସାମଗ୍ରୀ ଜବତ
ମାଲକାନଗିରି,(ଡଃ ଶିବ ନାରାୟଣ ପାତ୍ର): ଛତିଶଗଡ଼ ରାଜ୍ୟ ବିଜାପୁର ଜିଲ୍ଲାରେ ମାଓ ଦମନ ପାଇଁ ତଲାସି ଅଭିଯାନ ବେଳେ ସୁରକ୍ଷା କର୍ମୀଙ୍କୁ ମିଳିଛି ବଡ ଧରଣର ସଫଳତା, ଜଙ୍ଗଲ ମଧ୍ୟରୁ ବିପୁଳ ମାଓ ସମଗ୍ରୀ ସହ ଅସ୍ତ୍ର ଶସ୍ତ୍ର ତିଆରି ଉପକରଣ ମଧ୍ୟ ଜବତ କରିଛନ୍ତି ଯବାନ। ସୂଚନା ଅନୁଯାୟୀ ବିଜାପୁର ଜିଲ୍ଲାର ତାରେମ ଥାନା ଅନ୍ତର୍ଗତ କୋମାଟପାଲି ଜଙ୍ଗଲରେ ଡିଆରଜି ଯବାନ ଓ ପୋଲିସ ପକ୍ଷରୁ ମାଓ ଦମନ ତଲାସି ଅଭିଯାନ ବେଳେ ଜଙ୍ଗଲ ମଧ୍ୟରେ ଏକ ମାଓ ଡମ୍ପ ଠାବ କରିଥିଲେ। ଯାହା ମଧ୍ୟରୁ ବନ୍ଧୁକ ତିଆରି ସାମଗ୍ରୀ ସହ ବିସ୍ଫୋରକ ପ୍ରସ୍ତୁତ କରିବା ଯନ୍ତ୍ରପାତି ଏବଂ ଉପକରଣ ଜବତ କରିଥିଲେ। ଏହା ସହ ଉକ୍ତ ସ୍ଥାନରୁ ବିପୁଳ ପରିମାଣର ବିସ୍ପୋରକ ଓ ମାଓ ସାମଗ୍ରୀ ମଧ୍ୟ ଜବତ ହୋଇଥିଲା। ଜହକୁ ମାଓବାଦୀ ମାନେ ଲୁଚାଇ ରଖିଥିବା ବେଳେ ଯବାନ ମାନେ ଏହାକୁ ଜବତ କରି ସମ୍ପୃକ୍ତ ଅଞ୍ଚଳରେ ତଲାସି ଅଭିଯାନକୁ ଆହୁରି ବଢାଇ ଦେଇଛନ୍ତି।
