ସୁଲ୍ତାନ ଅଜଲାନ୍ ଶାହା କପ୍ ହକି, ଫାଇନାଲରେ ଭାରତକୁ ଭେଟିବ ଦକ୍ଷିଣ କୋରିଆ
ଭାରତ ଓ ଦକ୍ଷିଣ କୋରିଆ ମଧ୍ୟରେ ଶନିବାର ସୁଲ୍ତାନ ଅଜଲାନ୍ ଶାହା କପ୍ ହକି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଅନୁଷ୍ଠିତ ହେବ। ମାଲେସିଆର ଇପୋଠାରେ ଚାଲିଥିବା ଏହି ହକି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଭାରତୀୟ ସମୟ ସନ୍ଧ୍ୟା ୬ଟା ୦୫ ମିନିଟରେ ଆରମ୍ଭ ହେବ।
ଶୁକ୍ରବାର ଅନୁଷ୍ଠିତ ଶେଷ ଲିଗ୍ ମ୍ୟାଚରେ ଭାରତ ପୋଲାଣ୍ଡ୍କୁ ୧୦-୦ ଗୋଲରେ ପରାସ୍ତ କରିଥିଲା। ୫ ଥର ଏହି
ଟୁର୍ଣ୍ଣାମେଣ୍ଟ୍ର ଚମ୍ପିଆନ ଆଖ୍ୟା ଅର୍ଜନ କରିଥିବା ଭାରତ ୫ଟି ଲିଗ୍ ମ୍ୟାଚ୍ରୁ ୪ଟିରେ ବିଜୟ ହାସଲ କରିଥିବାବେଳେ ଗୋଟିଏ ମ୍ୟାଚ୍ ଅମୀମାଂସିତ ରଖି ମୋଟ ୧୩ ପଏଣ୍ଟ୍ ହାସଲ କରିଛି।
ସେହିଭଳି ଟୁର୍ଣ୍ଣାମେଣ୍ଟ୍ରେ ତୃତୀୟ ଓ ଚତୁର୍ଥ ସ୍ଥାନ ଲାଗି ମାଲେସିଆ ଓ କାନାଡ଼ା ମଧ୍ୟରେ ମୁକାବିଲା ହେବାକୁ ଥିବାବେଳେ ପଞ୍ଚମ ଓ ଷଷ୍ଠ ସ୍ଥାନ ପାଇଁ ପୋଲାଣ୍ଡ ଓ ଜାପାନ୍ ମଧ୍ୟରେ ଅନୁଷ୍ଠିତ ମ୍ୟାଚରେ ଜାପାନ, ପୋଲାଣ୍ଡକୁ ୬-୧ ଗୋଲରେ ପରାସ୍ତ କରିଛି।
ସେହିପରି ଶୁକ୍ରବାର ଅନୁଷ୍ଠିତ ଅନ୍ୟ ମ୍ୟାଚ୍ଗୁଡ଼ିକରେ ଦକ୍ଷିଣ କୋରିଆ ଜାପାନକୁ ୪-୨ରେ ଏବଂ ମାଲେସିଆ କାନାଡ଼ାକୁ ୩-୨ ଗୋଲ୍ରେ ପରାସ୍ତ କରିଛନ୍ତି।
