ସୁସ୍ଥ ହେଲେ ୯୫ ପୁଲିସ କର୍ମଚାରୀ

ଭୁବନେଶ୍ୱର: କରୋନାକୁ ହରାଇଲେ ୯୫ ପୁଲିସ କର୍ମଚାରୀ । ୯୫ କରୋନା ଯୋଦ୍ଧା ସୁସ୍ଥ ହୋଇଥିବା ନେଇ ପୁଲିସ ଡିଜିପି ଟ୍ୱିଟ ଯୋଗେ ସୂଚନା ଦେଇଛନ୍ତି । ସମ୍ପୃକ୍ତ ପୁଲିସ କର୍ମଚାରୀମାନେ ସୁସ୍ଥ ହେବା ପରେ ଡ୍ୟୁଟିରେ ଯୋଗଦେଇଛନ୍ତି । ଏହି ପରିପ୍ରେକ୍ଷୀରେ ଡିଜିପି ଅଭୟ କହିଛନ୍ତି ଯେ, ସମ୍ପୃକ୍ତ ୯୫ କର୍ମଚାରୀ ସଂକ୍ରମିତ ହୋଇଥିଲେ ବି ସେମାନେ କରୋନାକୁ ହରାଇଲେ । ଏବେ କାର୍ଯ୍ୟକ୍ଷେତ୍ରକୁ ଆସି ଅନ୍ୟ ଅନ୍ୟମାନଙ୍କୁ ସୁରକ୍ଷା ଦେବେ ବୋଲି ସେ କହିଛନ୍ତି । ଅନ୍ୟପକ୍ଷରେ କରୋନାକୁ ହରାଇ ଡ୍ୟୁଟିକୁ ଫେରିଥିବା ପୁଲିସଙ୍କୁ ପ୍ରଶଂସାପତ୍ର ମିଳିବ । ଡିଜିପିଙ୍କୁ ପକ୍ଷରୁ ସେମାନଙ୍କୁ ପ୍ରଶଂସାପତ୍ର ଦିଆଯିବ । ଏନେଇ ତୁରନ୍ତ ଏଭଳି କର୍ମଚାରୀଙ୍କ ନାଁ ଦେବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ।