‘ସେବା’ ତରଫରୁ ବ୍ଲଡ ଗ୍ରୁପିଙ୍ଗ କ୍ୟାମ୍ପ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା କାଶୀନଗର ସହରର ତୁଳସୀ ମେଡିକାଲ ପରିସରରେ “ସେବା” ନାମକ ଅନୁଷ୍ଠାନ ତରଫରୁ ଏକ ବ୍ଲଡ୍ ଗ୍ରୁପିଂ କ୍ୟାମ୍ପ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସଂପାଦକ କେ. ରାମାରାଓ ଓ କାର୍ଯ୍ୟକାରୀ ସଭାପତି ହୃଷୀକେଶ ଗୌଡ ଏହାକୁ ପରିଚାଳନା କରିଥିଲେ । ସହଯୋଗ କରିଥିଲେ ଆର୍.ମଧୁ, ଏମ୍.ଶ୍ରୀନିବାସ ରାଓ, କେ.ରାମବାବୁ ଓ ସୁଜନ କୁମାର ପ୍ରମୁଖ । ୫୦ଜଣ ବ୍ୟକ୍ତିଙ୍କ ବ୍ଲଡ୍ ଗ୍ରୁପିଂ କରାଯିବା ସହ ସେମାନଙ୍କୁ ରିପୋର୍ଟ କାର୍ଡ ଦିଆଯାଇଥିଲା । ଉପସ୍ଥିତ ୨୧ଜଣ ବରିଷ୍ଠ ନାଗରିକଙ୍କୁ ପରିଚୟ ପତ୍ର ଦେବା ପାଇଁ ବି ଆବଶ୍ୟକୀୟ କାଗଜପତ୍ର ପ୍ରସ୍ତୁତି କରାଯାଇଥିଲା । ଏ ଅବସରରେ ଆୟୋଜିତ ଉଦ୍ଘାଟନୀ ସମାବେଶରେ ତହସିଲଦାର ଶାନ୍ତି ସ୍ୱରୂପ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଏନ୍.ଏ.ସି. ନିର୍ବାହୀ ଅଧିକାରୀ ଡ.ସତ୍ୟସମ୍ପର୍ଣ୍ଣ ରାଉତ, ମେଡିକାଲ ଅଫିସର ଇନ୍ଚାର୍ଜ ଡାକ୍ତର ପାର୍ଥ ସାରଥୀ ବେହେରା, ବିଇଓ ହୃଷୀକେଶ ବିଶ୍ୱାଳ ଓ ଆୟୁର୍ବେଦ ଚିକିତ୍ସକ ରାମନାଥ ପାତ୍ର ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ ।
