ସୋରିଷମୂଳି ଆନିକଟରୁ ଯୁବକର ମୃତ ଦେହ ଉଦ୍ଧାର

ଭଞ୍ଜନଗର,(ସନ୍ତୋଷ କୁମାର ଜେନା): ଭଞ୍ଜନଗର ବ୍ଲକ ଅନ୍ତର୍ଗତ ତୁରୁମୁ ପଂଚାୟତ ସୋରିଷମୁଳି ଠାରେ ଥିବା ଜଳାଶୟ ଆନିକଟ ରେ ଜଣେ ଯୁବକ ର ମୃତ ଦେହ ଭାସୁଥିବା ଦେଖିବାକୁ ମିଳିଥିଲା | ସ୍ଥାନୀୟ ଲୋକଙ୍କ ଅଭିଯୋଗ ଅନୁସାରେ ଭଞ୍ଜନଗର ଥାନା ରୁ ପୋଲିସ କର୍ମଚାରୀ ଆସି ମୃତ ଦେହକୁ ପାଣିରୁ କାଢ଼ି ଥିଲେ | ମିଳିଥିବା
ସୂଚନାଅନୁଯାୟୀ ମୃତ ବ୍ୟକ୍ତିଟି କୁଲାଡ ନୂଆ ସାହି ର ଭଞ୍ଜ ସୁଆର ,ବାପା ପ୍ରକାଶ ଚନ୍ଦ୍ର ସୁଆର ।ମୃତ ଯୁବକ ଙ୍କ ବୟସ ୨୮ବର୍ଷ ହେବ। ମୃତ ଯୁବକଙ୍କ ବାପାଙ୍କ ସୂଚନା ଅନୁସାରେ ଯୁବକଜଣକ ମାନସିକ ବିକୃତ ଥିଲା ଓ ସେ ଅନେକ ସମୟରେ ପାଗଳାମୀ ଯୋଗୁଁ ବାହାରେ ବୁଲୁଥିଲେ।ମୃତ ବ୍ୟକ୍ତି ଜଣକ ସବୁଦିନ ପରି ବାହାରେ କାହାକୁ କଣ ଖାଇବାକୁ ମାଗି ଖାଇବା ସହ ନିକଟ ନଦୀରେ ଗାଧୋଇ ଥିଲେ କିନ୍ତୁ ଆଜି କୌଣସି କାରଣରୁ ନଦୀରେ ବୁଡି ମୃତ୍ୟୁ ବରଣ କରିଥିବା ଆଶଙ୍କା କରାଯାଉଛି ।ଏ ସଂକ୍ରାନ୍ତରେ ପୋଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରିବା ସହ ମୃତ ବ୍ୟକ୍ତି କୁ ବ୍ୟବଚ୍ଛେଦ ପାଇଁ ଭଞ୍ଜନଗର ଡାକ୍ତରଖାନା କୁ ପଠାଇଛି ଏବଂ ଘଟଣା ର ତଦନ୍ତ କରୁଛି |