ସୋସୋରେ ବିଷୁବ ମିଳନ ଉତ୍ସବ
ହାଟଡିହି, (ବିକାଶ ବିଶ୍ୱାଳ) :-ହାଟଡିହି ବ୍ଲକ ସୋସୋ ଠାରେ କବିତା ମଞ୍ଜରୀ ସନ୍ୟାସୀ ବିଶ୍ୱାଳ ଚ୍ୟାରିଟେବୁଲ ଟ୍ରଷ୍ଟ ପକ୍ଷରୁ ବିଷୁବ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ସୋସୋ ନୋଡାଲ ଉପ୍ରା ବିଦ୍ୟାଳୟରେ ଅନୁଷ୍ଠିତ ଏହି ଉତ୍ସବରେ ପ୍ରଥମ ଅଧିବେସନରେ ଶିକ୍ଷାବିତ ଡ. ରାମଚନ୍ଦ୍ର ଜେନା ସଭାପତିତ୍ୱ କରିଥିବାବେଳେ ଦାଶରଥି ଜେନା ଓ କାଞ୍ଚନବାଳା ଜେନା କବିତା ସଂଯୋଜନା କରିଥିଲେ । ଏହି ଉତ୍ୱରେ ଅନେକ କବି ଓ କବୟତ୍ରୀ ଯୋଗଦେଇ ସେମାନଙ୍କ ସ୍ୱରଚିତ କବିତାମାନ ପାଠ କରିଥିଲେ । ଦ୍ୱିତୀୟ ଅଧିବେସନରେ ପୁର୍ବତନ ବ୍ଲକ ଅଧ୍ୟକ୍ଷ ପର୍ଶୁରାମ ପେଡା ସଭାପତିତ୍ୱ କରିଥିଲେ । ଏଥିରେ ମୁଖ୍ୟ ବକ୍ତା ଭାବେ ଓଡିଶାର ଲବ୍ଧ ପ୍ରତିଷ୍ଠିତ ସାହିତ୍ୟିକ କେନ୍ଦ୍ର ଓ ରାଜ୍ୟ ସାହିତ୍ୟ ଏକାଡେମୀ ପୁରସ୍କାର ପ୍ରାପ୍ତ ଲେଖିକା ଡ. ଶକୁନ୍ତଳା ବଳିୟାର ସିଂ ଯୋଗଦେଇ ବିଷୁବ ମିଳନର ତାତ୍ପର୍ଯ୍ୟ ଓ ସାହିତ୍ୟିକର ସମାଜ ଗଠନରେ ଭୁମିକା ଉପରେ ବକ୍ୱ୍ୟ ରଖିଥିଲେ । ମୁଖ୍ୟ ଅତିଥି ଭାବେ ଡ. କାଞ୍ଚନବାଳା ପଟ୍ଟନାୟକ ଯୋଗଦେଇ ଥିବାବେଳେ ସମ୍ମାନୀତ ଅତିଥି ଭାବେ କେନ୍ଦୁଝର ଜିଲ୍ଲାପରିଷଦ ଉପାଧ୍ୟକ୍ଷ ସୋମନାଥ ଦାସ, ଶଙ୍ଖାଳି ଚରଣ ରାଉଳ, ନାରାୟଣ ଚନ୍ଦ୍ର ଲେଙ୍କା, ନରହରି ପାତ୍ର, ବୈକୁଣ୍ଠ ନାଥ ରାଉତ, ଅଭୟ କୁମାର ସାମଲ, ଅଧ୍ୟାପିକା ସୁନନ୍ଦାରାଣୀ ସ୍ୱାଇଁ, ନାଟ୍ୟକାର ବିନୋଦ ରାଉତ ପ୍ରମୁଖ ଯୋଗଦେଇ ସାହିତ୍ୟଚର୍ଚ୍ଚା ଓ ବିଷୁବ ସଂକ୍ରାନ୍ତିର ଗୁରୁତ୍ୱ ଉପରେ ନିଜ ନିଜର ବକ୍ତବ୍ୟ ରଖିଥିଲେ । ସମାଜସେବା ଓ ସାହିତ୍ୟକୃତି ପାଇଁ ସୁନନ୍ଦାରାଣୀ ସ୍ୱାଇଁ, ଶଙ୍ଖାଳି ଚରଣ ରାଉଳ, ସୋମନାଥ ଦାସ, ବୈଲୋଚନ ନାୟକ ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା । ଗ୍ରାମାଞ୍ଚଳରେ ଭାଇଚାରା, ସଦଭାବନା ଓ ସାହିତ୍ୟର ପ୍ରସାରପାଇଁ ଉଦ୍ୟମରତ ଚ୍ୟାରିଟେବୁଲ ଟ୍ରଷ୍ଟର ସଭାପତି ପ୍ରଫେସର ରାଧାକୃଷ୍ଣ ବିଶ୍ୱାଳଙ୍କୁ ଓଡିଶା ଲେଖିକା ସଂସଦର ସମ୍ପାଦିକା ଶକୁନ୍ତଳା ବଳିୟାରସିଂ ସ୍ୱତନ୍ତ୍ର ଭାବରେ ସମ୍ମାନୀତ କରିଥିଲେ । କବି ତଥା ସାହିତ୍ୟିକ ଅନ୍ତର୍ଯ୍ୟାମୀ ରାଉତ କାର୍ଯ୍ୟକ୍ରମ ସଂଯୋଜନା କରିଥିବାବେଳେ ପ୍ରଣବ ମହାନ୍ତି, ଦେବେନ୍ଦ୍ର ପ୍ରଧାନ, ରବିନ୍ଦ୍ର କୁମାର ରାଉତ, ହରମୋହନ ପଣ୍ଡା, ବୈଲୋଚନ ନାୟକ ପ୍ରମୁଖ କାର୍ଯ୍ୟକ୍ରମ ପରିଚାଳନଦା କରିଥିଲେ ।


