ସ୍କୁଟିକୁ ଧକ୍କା ଦେଲା ପିକ୍ଅପ ଭ୍ୟାନ ଦୁଇ ଯୁବକ ଗୁରୁତର

ଦିଗପହଣ୍ଡି,(ଅଳକ ନାଥ ମିଶ୍ର): ଦିଗପହଣ୍ଡି – ବ୍ରହ୍ମପୁର ୧୭ ନଂ ରାଜ୍ୟ ରାଜପଥର ଗୋକର୍ଣ୍ଣପୁର ଗ୍ରାମ ନିକଟରେ ଶନିବାର ଅପରାହ୍ନ ପ୍ରାୟ ସାଢ଼େ ୪ ଟାରେ ଏକ ପିକଅପ୍ ଭ୍ୟାନ (ନଂ. ଓଡ଼ି ୦୭ ଏଏସ ୨୮୫୭)  ଏକ  ସ୍କୁଟି କୁ ଧକ୍କା ଦେବାରୁ ସ୍କୁଟିରେ ଯାଉଥିବା ଦୁଇଜଣ ଯୁବକ ଗୁରୁତର ଆହାତ ହୋଇଥିବା ଜଣାପଡିଛି । ସ୍କୁଟି ଟି ଚୂରମାର ହୋଇଯାଇଛି। ଦୁର୍ଘଟଣାରେ ଆହାତ ଦ୍ବୟ ହେଲେ କୁକୁଡାଖଣ୍ଡି ବ୍ଳକ ରୋହିଗାଁ  ର ରିଙ୍କୁ ଜେନା ଏବଂ ସନ୍ତୋଷ ସେଠୀ । ଯୁବକ ଦ୍ବୟ  ସ୍କୁଟି ଯୋଗେ ଦିଗପହଣ୍ଡି ଅଭିମୁଖେ ଆସୁଥିବା ବେଳେ ଦ୍ରୁତଗତି ରେ ଆସୁଥିବା ପିକଅପ୍  ଭ୍ୟାନ ଟି ସ୍କୁଟି କୁ ଧକ୍କା ଦେଇଥିଲା। ସ୍କୁଟି ରେ ଯାଉଥିବା ରିଙ୍କୁ ଏବଂ ସନ୍ତୋଷ ରାସ୍ତା ଉପରେ ଛିଟକି  ପଡ଼ିଥିଲେ। ଗୁରୁତର ଅବସ୍ଥାରେ ଉଭୟଙ୍କୁ ଉଦ୍ଧାର ପରେ ଦିଗପହଣ୍ଡି ସରକାରୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ଅବସ୍ଥା ସଙ୍କଟାପନ୍ନ ଥିବାରୁ ଉଭୟଙ୍କୁ ବ୍ରହ୍ମପୁର ବଡ ଡାକ୍ତରଖାନା କୁ ସ୍ଥାନାନ୍ତର କରାଯାଇଛି।