ସ୍କୁଲ ଭ୍ୟାନ ସହ ବାଇକ୍ ଧକ୍କା, ଜଣେ ମୃତ

ଶେରଗଡ଼, (ବିଭୁ ପ୍ରସାଦ ଦାସ):ଗଞ୍ଜାମ ଜିଲ୍ଲା ଶେରଗଡ଼ ଥାନା ଅନ୍ତର୍ଗତ ରକ୍ତପଟା ଗ୍ରାମ ନିକଟରେ ଏକ ମର୍ମାନ୍ତକ ସଡ଼କ ଦୁର୍ଘଟଣା ଘଟିଛି l ଘଟଣା ସ୍ଥଳରେ ଜଣେ ମୃତ୍ୟୁ ହୋଇଥିବାବେଳେ ଜଣେ ଆହତ ହୋଇଛନ୍ତି l ମୃତ ଜଣକ ହେଲେ ସୋରଡ଼ା ଥାନା ନୂଆଗଡ ଗ୍ରାମର ଜିନତି ସେଠି ଓ ଆହତ ଜଣକ ହେଲେ ସ୍ୱାମୀ ନାରାୟଣ ସେଠି l ସୂଚନା ଅନୁସାରେ ନାରାୟଣ ତାଙ୍କ ସ୍ତ୍ରୀ ଜିନତି ସହ ନିଜ ବାଇକ ଯୋଗେ ଭିଣୋଇ ଘର କରଡ଼ାକଣା ରୁ ନିଜ ଗ୍ରାମ ନୁଆଁଗଡ଼ ଅଭିମୁଖେ ଯାଉଥିବା ସମୟରେ ରକ୍ତପଟା ଠାରେ ବିପରୀତ ଦିଗ ପଟୁ ଏକ ସ୍କୁଲ ଭ୍ୟାନ ସହ ଧକ୍କା ହୋଇଥିଲା ଫଳରେ ଘଟଣାସ୍ଥଳରେ ସ୍ତ୍ରୀ ଜିନତିଙ୍କ ମୃତ୍ୟୁ ହୋଇଥିବାବେଳେ ସ୍ୱାମୀ ନାରାୟଣ ସାମାନ୍ୟ ଆହତ ହୋଇଛନ୍ତି l ଖବର ପାଈ ଶେରଗଡ଼ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବତ କରି କେସ ନମ୍ବର ୧୫୧/୨୩ ରେ ଏକ ମାମଲା ରୁଜୁ କରି ଶବ ବ୍ୟବଛେଦ ନିମନ୍ତେ ଆସିକା ଉପଖଣ୍ଡ ମେଡିକାଲ କୁ ପଠାଇଥିଲେ l ଅପର ପକ୍ଷରେ ଶେରଗଡ଼ ପୋଲିସ ଦୁର୍ଘଟଣା ଘଟାଇଥିବା ସ୍କୁଲ ଗାଡିଟିକୁ ଜବତ କରି ଥାନାକୁ ନେଇଥିବା ଜଣାପଡ଼ିଛି l