ସ୍ତବ୍ଧ ହୋଇଯାଇଛି ଖଣ୍ଡଦେଉଳି ଗାଁ
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ):ଭୟଙ୍କର ବସ୍ ଦୁର୍ଘଟଣା ଲିଭିଯାଇଛି ଜୀବନ ଶିଖା।ଆଉ ଶୁଭୁନି ସେହି କାନ୍ଦ ବୋବାଳି କାନ୍ଦି କାନ୍ଦି ଆଖିରୁ ଲୁହ ସୁଖିଯାଇଛି। ବାଉନି ବାଉନୀ କାନ୍ଦିବାକୁ ଆଉ ବଳ ପାଉନାହିଁ। ବନ୍ଧୁ ବାନ୍ଧବ ସମସ୍ତେ ଆସୁଛନ୍ତି ସାନ୍ତ୍ମନା ଦେଉଛନ୍ତି। ଏବେ ଖଣ୍ଡଦେଉଳି ଗାଁ ଖାଁ ଖାଁ ଦିଶୁଛି ସ୍ତବ୍ଧ ହୋଇଯାଇଛି ପରିବେଶ। ମୃତକଙ୍କ ପରିବାର ଙ୍କ ପାଖାରେ ପହଞ୍ଚିଛି ପ୍ରଶାସନ। ସରକାରଙ୍କ ପକ୍ଷରୁ ଆର୍ଥିକ ଅନୁଦାନ ଆକାରରେ ପ୍ରଦାନ କରିବା ପାଇଁ ଖଣ୍ଡଦେଉଳି ଗ୍ରାମରେ ସାନଖେମୁଣ୍ଡି ବି ଡି ଓ ଗାୟତ୍ରୀ ଦତ୍ତ ନାୟକ ସାନଖେମୁଣ୍ଡି ତହସିଲଦାର ଡ଼ା ଶ୍ରୀନିବାସ ବେହେରା ବ୍ଲକ ଅଧ୍ୟକ୍ଷ ସିମାଞ୍ଚଳ ପାତ୍ର ପହଞ୍ଚି ମୃତ ରମେଶ ପ୍ରଧାନ, ସିତାରାମ ପ୍ରଧାନ, ତ୍ରିପତି ଚନ୍ଦ୍ର ପ୍ରଧାନ,ରୂପାଲି ପ୍ରଧାନ ଙ୍କ ପରିବାରଙ୍କୁ ୩୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କରିଥିଲେ। ସିଙ୍ଗିପୁର ଗ୍ରାମର ଜଣେ ମୃତ ଲିଟୁ ନାୟକ ଙ୍କ ପରବାରଙ୍କୁ ୩୦ ହଜାର ଟଙ୍କା ପ୍ରଦାନ କରିଥିଲେ।ପ୍ରଦାନ ବେଳେ ବ୍ଲକ କର୍ମଚାରୀ ଜନପ୍ରତିନିଧି ନେତୃବୃନ୍ଦ ପ୍ରମୁଖ ଉପସ୍ଥିତ ରହି ମୃତକଙ୍କ ପରିବାରକୁ ସାତ୍ମ୍ମନା ଦେଇଥିଲେ।
