ସ୍ଵର୍ଣ୍ଣପଦକ ବିଜେତା ୨ମୁଷ୍ଟି ଯୋଦ୍ଧାଙ୍କୁ ସମ୍ବର୍ଦ୍ଧିତ
କୋରାପୁଟ,(ହେମନ୍ତ ପାଣଗ୍ରାହୀ):ଚଳିତ ବର୍ଷ ରାଉରକେଲା ହକି ଷ୍ଟାଡିୟମ୍ ଠାରେ ଅନୁଷ୍ଠିତ ରାଜ୍ୟ ସ୍ତରୀୟ ବକ୍ସିଂ ଚାମ୍ପିଅନସିପ ରେ କୋରାପୁଟ ଜିଲ୍ଲାରୁ ୨ ମୁଷ୍ଟିଯୋଦ୍ଧା ସ୍ଵର୍ଣ୍ଣପଦକ ବିଜେତାଙ୍କୁ ଜିଲ୍ଲା ଆଥେଲେଟିକ୍ ଆସୋସିଏସନ୍ ପକ୍ଷରୁ ଅରିଜିତ ବକ୍ସିଂ କ୍ଳବ୍ ପରିସରରେ ସମ୍ବର୍ଦ୍ଧିତ କରାଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ କ୍ରୀଡ଼ା ସଂପାଦକ ରବି ନାୟକ ଯୋଗ ଦେଇ ୨ ସ୍ଵର୍ଣ୍ଣପଦକ ବିଜେତାଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଛନ୍ତି। କୋରପୁଟ ଜିଲ୍ଲା ପାଇଁ ଏହା ଅତି ଗୌରବର ବିଷୟ କୋରାପୁଟ ଜିଲ୍ଲାରୁ ୪ ଜଣ ବରିଷ୍ଠ ମୁଷ୍ଟି ଯୋଦ୍ଧା ରାଜ୍ୟ ସ୍ତରୀୟ ବକ୍ସିଂ ଚାମ୍ପିୟନସିପ୍ ରେ ଭାଗ ନେଇଥିବାବେଳେ ସେଥିମଧ୍ୟରୁ ୨ ଜଣ ସ୍ଵର୍ଣ୍ଣପଦକ ହାସଲ କରିପାରିଛନ୍ତି। ଏହାର ସମସ୍ତ ଶ୍ରେୟ ଅରିଜିତ ବକ୍ସିଂ କ୍ଳବ୍ ର ପ୍ରଶିକ୍ଷକ ଅରିଜିତ ମହାପାତ୍ରଙ୍କୁ ମିଳିବା ଉଚ୍ଚିତ ବୋଲି କ୍ରୀଡ଼ା ସଂପାଦକ କହିଛନ୍ତି। ସୂଚନାଯୋଗ୍ୟ ଯେ ଚଳିତ ବର୍ଷ ୧୪ ଓ ୧୫ ଡିସେମ୍ବର ରେ ରାଉରକେଲା ହକି ଷ୍ଟାଡ଼ିୟମ୍ ଠାରେ ଅନୁଷ୍ଠିତ ଓଡ଼ିଶା ରାଜ୍ୟ ସ୍ତରୀୟ ବକ୍ସିଂ ଚାମ୍ପିୟାନସିପ୍ରେ ଅରିଜିତ ବକ୍ସିଂ କ୍ଳବ୍ ର ୪ ଜଣ ମୁଷ୍ଟି ଯୋଦ୍ଧା ବରିଷ୍ଠ ବିଭାଗ ରେ ପି.ସମୀର ପାତ୍ର, ସଞ୍ଜୀବ ହରିଜନ, ଯତୀନ ଶର୍ମା ଏବଂ ଟି. ଶଙ୍କର ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରୁ ପି.ସମୀର ପାତ୍ର ୯୧ କି.ଗ୍ରା. ଏବଂ ଯତୀନ ଶର୍ମା ୬୫-୭୦ କି.ଗ୍ରା. ବର୍ଗରେ ବିଜୟୀ ହୋଇ ସ୍ବର୍ଣ୍ଣ ପଦକ ହାସଲ କରି କୋରାପୁଟ ଜିଲ୍ଲା ପାଇଁ, ଗୌରବ ଆଣିଛନ୍ତ। ଏହି ଅବସରରେ କୋରାପୁଟ ଜିଲ୍ଲା ଆମେଚ୍ୟୁର ବକ୍ସିଂ ଆସୋସିଏସନ୍ ପକ୍ଷରୁ ସମ୍ବର୍ଦ୍ଧନା ସଭାର ଆୟୋଜିତ ହୋଇଥିଲା। ଏହି କ୍ରମରେ ଅନ୍ୟ ମାନଙ୍କ ମଧ୍ୟରେ ଆସେସିଏସନର ସଭାପତି ଶଶି ଭୂଷଣ ଦାସ, ସଂପାଦକ ବିପିନ୍ ବିହାରୀ ମହାପାତ୍ରଙ୍କ ସମେତ କ୍ଲବ୍ ର ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ।
