ସ୍ୱମୀ ବିବେକାନନ୍ଦ ବିଦ୍ୟାମନ୍ଦିରର ୧୨ତମ ବାର୍ଷିକ କ୍ରୀଡା ଉତ୍ସବ

ଗଞ୍ଜାମ, (ବିନୋଦ ପଲାଇ):ଗଂଜାମ ବ୍ଳକ ଅନ୍ତର୍ଗତ ରାମଗଡ଼ ପଞ୍ଚାୟତର ରଘୁନାଥପୁର ଠାରେ ସ୍ଥାପିତ ସ୍ବାମୀ ବିବେକାନନ୍ଦ ବିଦ୍ୟାମନ୍ଦିରରେ “୧୨ ତମ ବାର୍ଷିକ କ୍ରିଡ଼ା” ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ରୂପେ ଗଂଜାମ ବ୍ଳକର ଚେୟାର ମେନ୍ ଶ୍ରୀମତୀ ସର୍ମିଷ୍ଠା ପ୍ରଧାନ ଏବଂ ସମ୍ମାନୀତ ଅତିଥି ରୂପେ ହୁମ୍ମା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ମ୍ୟାନେଜର ଶ୍ରୀଯୁକ୍ତ ରାକେଶ ମହାପାତ୍ର ଓ ରାମଗଡ଼ ପଞ୍ଚାୟତର ସରପଞ୍ଚ ଶ୍ରୀମତୀ ସନ୍ତୋଷିନୀ ବେହେରା ମୋହଦୟା ଯୋଗ ଦେଇଥିଲେ। ବିଦ୍ୟାଳୟର ଉପଦେଷ୍ଟା ଶ୍ରୀଯୁକ୍ତ ବିଜୟ କୁମାର ବିଶ୍ବାଳ ଏବଂ ଅତିଥି ମାନଙ୍କ ଦ୍ୱାରା ମଶାଲ ଯାତ୍ରା କରାଯାଇଥିଲା। ତତ୍ ସଙ୍ଗେ ସଙ୍ଗେ ଶପଥ ପାଠ କରି କାର୍ଯ୍ୟକ୍ରମ କୁ ଆଗକୁ ବଢାଯାଇଥିଲା। କୁନି କୁନି ଶିଶୁ ଭାଇ ଭଉଣୀ ମାନଙ୍କ ମଧ୍ୟରେ ପ୍ରତିଯୋଗିତା କରାଯାଇଥିଲା। ଅଖା ଡିଆଁ, ଆଳୁ ଚାମଚ,ପୁଚି,୧୦୦ ମି. ଦୈାଡ, ସ୍ଲୋ ସାଇକେଲ, କବାଡି shot put, ମ୍ୟୁଜିକ୍ ଚେୟାର, ବଲ୍ ଫିଙ୍ଗା ଇତ୍ୟାଦି ଖେଳ ପ୍ରତିଯୋଗିତା କରାଯାଇଥିଲା। ବିଦ୍ୟାଳୟର ଗୁରୁମା ସ୍ବପ୍ନାରାଣୀ ପାତ୍ର ଅତିଥି ମାନଙ୍କ ପରିଚୟ ପ୍ରଦାନ କରିଥିବାବେଳେ ବିଦ୍ୟାଳୟର ପ୍ରତିଷ୍ଠାତା ଶ୍ରୀଯୁକ୍ତ ପୂର୍ଣ୍ଣ ଚନ୍ଦ୍ର ପଣ୍ଡା ମହୋଦୟ ଧନ୍ୟବାଦ ଅର୍ପଣ କରିଥିଲେ। ଭାରା ପ୍ରାପ୍ତ ପ୍ରଧାନ ଆଚାର୍ଯ୍ୟା ଶ୍ରୀମତୀ ସସ୍ମିତା ମହାରଥୀ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ସମସ୍ତ ଗୁରୁଜୀ ଗୁରୁମା ଜ୍ୟୋତିର୍ମୟୀ ଦାଶ , ଦୀପାସାହୁ, ସଂଧ୍ୟା ପ୍ରଧାନ, ମାମାଲି ସାହୁ, ଜାଗୃତି ସାହୁ, ବିଦେଶିନୀ ମାଳୀ, ପୂଜା ସ୍ବାଇଁ, ଅଞ୍ଜନା ମୁଦୁଲି, ଦେବାଶିଷ ବେହେରା, କୃଷ୍ଣ ଚନ୍ଦ୍ର ବେହେରା ସମେତ ସମସ୍ତ ଛାତ୍ରଛାତ୍ରୀ ସହଯୋଗ କରିଥିଲେ।