ସ୍ୱାମୀର କୋଦଳା ଚୋଟରେ ସ୍ତ୍ରୀ ମୃତ

ବାରିପଦା : ମଙ୍ଗଳବାର ବିଳମ୍ବିତ ରାତିରେ ପାରିବାରିକ କଳହକୁ କେନ୍ଦ୍ର କରି ସ୍ୱାମୀର କୋଦଳା ଚୋଟରେ ସ୍ତ୍ରୀର ମୃତ୍ୟୁ ହୋଇଥିବା ଜଣାପଡିଛି । ମୃତ ମହିଳା ଜଣକ ପରିଚୟ ସାବିତ୍ରୀ ସିଂ ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ ମଙ୍ଗଳବାର ବିଳମ୍ଭିତ ରାତିରେ ସ୍ୱାମୀ ଓ ସ୍ତ୍ରୀ ମଧ୍ୟରେ କଳହ ପରେ ଏଥିରେ ଉତ୍କ୍ଷିପ୍ତ ହୋଇ ୧୩ ବର୍ଷର ଝିଅକୁ ତଣ୍ଟିଚିପି ହତ୍ୟା ଉଦ୍ୟମ କରୁଥିବା ବେଳେ ବାପା କବଳରୁ ଝିଅ ଖସି ଆସିଥିଲା । କିନ୍ତୁ ଏହା ପରେ ସ୍ତ୍ରୀକୁ ତଣ୍ଟିଚିପି ହତ୍ୟା ଉଦ୍ୟମ କରିବାରେ ବିଫଳ ହେବା ପରେ କୋଦଳା ଚୋଟରେ ସ୍ତ୍ରୀକୁ ଆକ୍ରମଣ କରିଥିଲେ । ଏହା ପରେ ଘଟଣା ସ୍ଥଳରେ ହିଁ ମହିଳା ଜଣଙ୍କର ମୃତ୍ୟୁ ହୋଇଥିଲା । ପୋଲିସ ମଙ୍ଗଳବାର ଠାରୁ ବୁୁୁଧବାର ପର୍ଯ୍ୟନ୍ତ ଶବକୁ ଜଗି ରହିଥିଲେ । ସାଇଣ୍ଟିଫିକ୍ ଟିମ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିିଛି ।