ସ୍ୱାମୀ ବିବେକାନନ୍ଦ ପବ୍ଲିକ ସ୍କୁଲର ୨୧ତମ ବାର୍ଷିକ ଉତ୍ସଵ ପାଳିତ
ଭବାନୀପାଟଣା, (ଯୁଗାବ୍ଦ ନ୍ୟୁଜ):ତାରିଣୀ ମନ୍ଦିର ସ୍ଥିତ ସ୍ୱାମୀ ବିବେକାନନ୍ଦ ପବ୍ଲିକ ସ୍କୁଲ ର ୨୧ତମ ବାର୍ଷିକ ଉତ୍ସଵ ତଥା ରାଷ୍ଟ୍ରୀୟ ଯୁବ ଦିବସ ପାଳିତ ହୋଇଯାଇଛି | ସ୍କୁଲ ର ସଭାପତି ବ୍ରାହ୍ମନନ୍ଦ ସାମଲ ସଭାପତିତ୍ୱ କରିଥିବା ବେଳେ ସ୍କୁଲ ର ପ୍ରତିଷ୍ଠାତା ତଥା ଅଧ୍ୟକ୍ଷ ଡ଼. ଶିବରାମ ନାୟକ ସ୍କୁଲ ର ବାର୍ଷିକ ବିବରଣୀ ପାଠ କରିଥିଲେ | ମୁଖ୍ୟ ଅତିଥି ରୂପେ କଳାହାଣ୍ଡି ସାଂସଦ ମାଳବିକା ଦେବୀ, ସମ୍ମାନିତ ଅତିଥି ରୂପେ ଡ଼ା. ପୂର୍ଣ୍ଣଚନ୍ଦ୍ର ପଣ୍ଡା, ସୁତ୍ତମ କୁମାର ନାୟକ ଓ ଦୁଷ୍ମନ୍ତ ପ୍ରଧାନ ଯୋଗ ଦେଇ ରାଷ୍ଟ୍ରଗଠନ ରେ ଛାତ୍ର ମାନଙ୍କ ଭୂମିକା ଅତୁଳନୀୟ ଏବଂ ପ୍ରତ୍ୟେକ ଛାତ୍ରଛାତ୍ରୀ ସ୍ୱାମୀ ବିବେକାନନ୍ଦଙ୍କ ନୀତି ଓ ଆଦର୍ଶ ରେ ଅନୁପ୍ରାଣିତ ହେବା ପାଇଁ ଆହ୍ୱାନ ଦେଇଥିଲେ | ସ୍ୱାମୀ ବିବେକାନନ୍ଦଙ୍କ ଫୋଟୋ ଚିତ୍ର ରେ ପୁଷ୍ପମାଲ୍ୟ ଓ ଦୀପ ପ୍ରଜ୍ଵଳନ ପରେ ସଭା କାର୍ଯ୍ୟ ଆରମ୍ଭ ହୋଇଥିଲା | ସ୍କୁଲର ମୁଖପତ୍ର “ସ୍ୱାଭିମାନ” ଅତିଥି ମାନଙ୍କ ଦ୍ୱାରା ଉନ୍ମୋଚନ ହୋଇଥିଲା | ଜିଲ୍ଲା ସ୍ତରୀୟ ଚେସ, ବକୃତା,ପ୍ରବନ୍ଧ, ଚିତ୍ରାଙ୍କନ ପ୍ରତିଯୋଗିତା ରେ ସଫଳ ହୋଇଥିବା ଛାତ୍ରଛାତ୍ରୀ ଙ୍କୁ ଉପସ୍ଥିତ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା | ଚିତ୍ରଶିଳ୍ପୀ ମୁକୁନ୍ଦ ରେଡ୍ଡୀ, ବୈଷ୍ଣବ ଜାଲ, ସ୍ୱାସ୍ଥ୍ୟକର୍ମୀ ରିୟାଜ ଅଲ୍ଲୀ ଓ ସଂଗୀତଜ୍ଞ ଦିଲୀପ କୁମାର ଜାନୀ ଙ୍କୁ ସମ୍ବର୍ଦ୍ଧନା କରାଯାଇଥିଲା | ଶିକ୍ଷକ ସମ୍ପଦ ମୁଣ୍ଡ ସଭା ପରିଚାଳନା କରିଥିବା ବେଳେ ଶିକ୍ଷୟିତ୍ରୀ ଚନ୍ଦ୍ରପ୍ରଭା ମିଶ୍ର, ସାଧନା ପ୍ରଧାନ, କଲ୍ୟାଣୀ ବାଗ, ସୁଶ୍ରୀ ଶୁଭଶ୍ରୀ ସାହୁ, ସରିତା ବାଗେଲ, ସୁରଶ୍ମିତା ତ୍ରିପାଠୀ, ବୃଷଭ ଦାସ,ସୁଯ୍ୟକାନ୍ତି ସିଂ ଦେଓ, ବିନ୍ଦୁ ମାଝୀ ସହଯୋଗ କରିଥିଲେ |ସାଂସ୍କୃତିକ କାର୍ଯ୍ୟକ୍ରମ ଛାତ୍ର ଛାତ୍ରୀ ଙ୍କ ଦ୍ୱାରା ପରିବେଷଣ ହୋଇଥିଲା ଓ ରାଷ୍ଟ୍ରୀୟ ସଂଗୀତ ସହ ସଭା ସାଙ୍ଗ କରାଯାଇଥିଲା |
