ସ୍ୱେଚ୍ଛାସେବୀଙ୍କ ପାଇଁ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ
କ୍ଷତ୍ରୀୟବରପୁର ,(ଯୁଗାବ୍ଦ ନ୍ୟୁଜ) : କ୍ଷତ୍ରୀୟବରପୁର ଆଞ୍ଚଳିକ ବିଜ୍ଞାନ ମହାବିଦ୍ୟାଳୟ ସ୍ୱେଚ୍ଛାସେବୀଙ୍କ ୟୁନିଟ ପକ୍ଷରୁ ନୂତନ ଭାବେ ଯୋଗଦେଇଥିବା ସ୍ୱେଚ୍ଛାସେବୀଙ୍କ ପାଇଁ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏହାକୁ ଉଦଘାଟନ କରି ଶିକ୍ଷକ ସୂର୍ଯ୍ୟକାନ୍ତ ମହାନ୍ତି ଛାତ୍ରଛାତ୍ରୀମାନଙ୍କୁ ରେଡକ୍ରସ ସେବାର ଗୁରୁତ୍ୱ ବୁଝାଇଥିଲେ । ଉକ୍ତ କାର୍ଯ୍ୟକ୍ରମରେ ସମ୍ମାନୀତ ଅତିଥିଭାବେ ଡିଗ୍ରୀ ମହାବିଦ୍ୟାଳୟ ଯୁବ ରେଡକ୍ରସ ଉପଦେଷ୍ଟା ସଂଜୀବ କୁମାର ଦାସ ଯୋଗଦେଇଥିଲେ । ଯୁବରେଡକ୍ରସ ଜିଲ୍ଲା ସଂଯୋଜକ ପ୍ରଧ୍ୟାପକ ବି. ଗୋବିନ୍ଦ ରାଓ ରେଡକ୍ରସର ଇତିହାସ, କାର୍ଯ୍ୟଧାରା ଲକ୍ଷ ଉପରେ ବିସ୍ତୃତ ଆଲୋଚନା କରିଥିଲେ । ଉକ୍ତ କାର୍ଯ୍ୟକ୍ରମରେ ଯୁବ ରେଡକ୍ରସର ମହିଳା ଉପଦେଷ୍ଟା ସ୍ୱରୁପା ରାଣୀ ବିଶ୍ୱାଳ , କାହ୍ନୁ ସ୍ୱାଇଁ , ମହେନ୍ଦ୍ର ବେହେରା ପ୍ରମୁଖ ଯୋଗଦେଇଥିଲେ ।
