ହତ୍ୟାକାରୀଙ୍କୁ ଗିରଫ ଦାବିନେଇ ରାସ୍ତାରୋକ

ବ୍ରଜରାଜନଗର : ହତ୍ୟାକାରୀ ଅଭିଯୁକ୍ତ ମାନଙ୍କୁ ତୁୂରନ୍ତ ଗିରଫ ଦାବି ନେଇ ବ୍ରଜରାଜନଗର ୪୯ ନଂ ଜାତୀୟ ରାଜପଥ ଅବରୋଧ କରାଯାଇଛ । ସୋମବାର ଦିନ ଅମିତ ଧଳ ନାମକ ଜଣେ ଯୁବକଙ୍କ ଉପରକୁ ବାଇକରେ ଆସି ବନ୍ଧୁକରୁ ୫ ରାଉଣ୍ଡ ଗୁଳି ଚଳାଇ ଘଟଣା ସ୍ଥଳରୁ ଫେରାର ହୋଇଯାଇଛନ୍ତି । ଆହାତ ଅମିତଙ୍କୁ ଗୁରୁତର ଅବସ୍ଥାରେ ତାଙ୍କୁ ନିକଟସ୍ଥ ମଣ୍ଡଳିୟା କେନ୍ଦ୍ରୀୟ ହସପିଟାଲକୁ ନିଆଯାଇଥିଲା ।ସେଠାରେ ତାଙ୍କର ଅବସ୍ଥା ଗୁରୁତର ହେବାରୁ ତାଙ୍କୁ ନିକଟସ୍ଥ ବୁର୍ଲା ହସପିଟାଲକୁ ଯାଉଥିବା ସମୟରେ ରାସ୍ତାରେ ତାଙ୍କର ମୃତ୍ୟୁ ହୋଇଥିଲା । ଏହି ଘଟଣାକୁ କେନ୍ଦ୍ର କରି ଗତକାଲି ରାତି ଠାରୁ ବ୍ରଜରାଜନଗରରେ ଅଶାନ୍ତ ପରିବେଶ ରହିଛି । ଅଂଚଳବାସୀ ଓ ତାଙ୍କ ପରିବାର ତରଫରୁ ରାଜରାସ୍ତା ଅବରୋଧ କରାଯାଇଛି । ଫଳରେ ଦୁଇ ପଟରେ ଶହ ଶହ ଗାଡି ଅଟକି ରହିଛି । ପୋଲିସ ଶାନ୍ତି ଶୃଙ୍ଖଳା ଦୃଷ୍ଟିରୁ ବିଭିନ୍ନ ସ୍ଥାନରେ ପୋଲିସ ତରଫରୁ ପ୍ଲାଟୁନ ମୃତ ମୃତୟନ କରାଯାଇଛି । ଅମିତଙ୍କ ସମର୍ଥକ ରାସ୍ତାରେ ଜଳାପୋଡା କରି ଅଭିିଯୁକ୍ତ ମାନଙ୍କୁ ତୁରନ୍ତ ଗିରଫ କରିବା ପଇଁ ଦାବି କରିଛନ୍ତି । ପୋଲିସ ଘଟଣା ସ୍ଥଳରେ ପହଞ୍ଚି ଲୋକମାନଙ୍କୁ ବୁଝାସୁଝା କରୁଛି ।